DILI, 11 abríl 2020 (TATOLI)–Governu liuhosi Portavóz Sala Situasaun Sentru Integradu Jestaun Krize, Rui Maria de Araújo hateten, ekipa SIJK  preokupa ho populasaun sira atu tuur hakmatek iha uma no labele halibur malu tanba moras COVID-19 ne’e hada’et husi ema ida ba ema seluk ho lalais.

”Husu ba komunidade sira idak-idak hakmatek iha uma. Labele halibur malu tanba moras COVID-19 ne’e hada’et hosi ema ida ba ema seluk,’’ informa, Rui Maria de Araújo, iha konferénsia imprensa ne’ebé hala’o iha Sentru Konvensaun Dili (CCD-sigla Portugés), Merkadu Lama, Dili, ohin.

Daudaun ne’e, nia haktuir, akontese populasaun barak halibur malu iha sede Suku iha Dili laran hodi foti formulariu atu prienxe naran tanba ne’e apela idak-idak atu hakmatek iha uma ba apoiu prevene surtu COVID-19.

”Moras COVID-19 ne’e hada’et ema ida ba ema seluk. Se ema ida-idak tuur iha nia fatin mak dook malu, la besik malu, entaun moras ne’e sei la da’et ida,’’ katak Eis Primeiru-Ministru ne’e.

Notísia Relevante: Pasiente COVID-19 Ne’ebé Rekupera Kontinua Auto-Kuarentena

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here