Reuniaun Konsellu Ministru. Imajen Tatoli/Egas Cristovão

DILI, 11 abríl 2020 (TATOLI) – Governu Timor-Leste hato’o agradesementu ba nasaun sira ne’ebé durante ne’e timor-oan sira hela ba hodi hala’o estudu no servisu.

“Governu Repúblika Demokrátika Timor-Leste hato’o agradesimentu ne’ebé kle’an ba nasaun sira ne’ebé timor-oan sira hela, estuda, servisu no sira tau fiar ba protesaun husi Governu hirak-ne’e”, relata nota ofisiál ne’ebé Agência Tatoli asesu, iha sábadu ne’e.

Nota ne’e haktuir, iha momentu ida-ne’ebé mundu sira hamutuk no esforsu ba luta kontra surtu COVID-19 no mós iha époka selebrasaun Páskoa nian, sai hanesan solenidade ida-ne’ebé importante tebes iha relijiaun katólika.

“Nune’e ho forma ida-ne’e Governu mós hakarak hato’o ksolok Páskoa nian ba timor-oan sira hotu ne’ebé mak namkari iha mundu tomak no hato’o agradesimentu mós ba nasaun sira ne’ebé simu ami-nia povu ho di’ak tebes”, refere nota ne’e.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here