Primeiru-Ministru, Taur Matan Ruak. Imajen Tatoli/António Gonçalves

DILI, 09 abril 2020 (TATOLI)–Primeiru-Ministru (PM), Taur Matan Ruak informa, proposta ba subsidiu $100 kada Uma-Kain durante estadu emerjénsia, oras ne’e sei iha hela prosesu diskusaun Konsellu Ministru (KM) no seidauk iha konkluzaun. 

“Diskusaun sei la’o hela no seidauk iha konkluzaun ruma,” dehan  Primeiru-Ministru, Taur Matan Ruak, hafoin hasoru malu ho Xefe Estadu hodi husu retira pedidu demisaun ne’ebé hato’o ba Xefe Estadu iha fulan fevereiru tinan ne’e.

Entretantu, iha komunikadu ne’ebé TATOLI asesu hateten, proposta ne’e aprezenta hosi Ministru Koordenadór ba Assuntu Ekonómiku (MKAE), Fidelis Leite Magalhães, hanesan mós planu ekonómiku hodi fó resposta ba implikasaun negativa ne’ebé provoka hosi Coronavirus (COVID-19) ba ekonómia nasionál, iha reuniaun Konsellu Ministru iha loron 8 fulan Abril 2020.

Proposta ne’e deskreve, pakote hosi medida sira ne’e, fahe ba área prinsipál ualu (8) inklui medida relativa sira ba distribuisaun sasán baziku sira, liña kreditu, izensaun fiskais no subsidiu ba sidadaun sira.

Iha área daneen kona-ba despeza publika hanesan antesipasaun ba pagamentu saláriu sira no benefisiu sosiál sira.

Área dahitu kona-ba kriasaun liña kreditu no taxa ne’ebé menús.

Área daualu nian ba asisténsia direta mak hanesan apoiu diretu sira ba populasaun no empreza sira, ho objetivu atu garante kada família hetan rendimentu $100 kada fulan, ho fornesimentu hosi partisipasaun salárial hamutuk ho empregadór sira atu fó subsidiu ba empregadór na’in 3000 ho inzensaun ba traballadór sira ho hosi empregadór sira no ho inzensaun ba pagamentu emprezariu sira ne’ebé aluga propiedade estadu.

“Hau hakarak klarifika asuuntu kona-ba apoiu Governo nian ba uma-kain sira no ba traballadór sira. Ohin, ha’u foin halo aprezentasaun ba Konsellu Ministru hafoin rekolla proposta hosi liña ministeriál sira. Seidauk iha aprovasaun. Ami tenke ajusta regulamentu no aumenta tan pontu balun mak sei aprezenta fali hodi halo desizaun iha reuniaun Konsellu Ministru semana oin,”  Fidelis karifika hosi rede sosiál.

Notísia Relevante: Ministru Fidelis Aprezenta Proposta Subsídiu ba Kada Uma-Kain $100 ba KM

Jornalista : Cipriano Colo

Editór      : Cancio Ximenes

2 KOMENTÁRIU

  1. Nai Primeiro Ministro, ho Ministro Kordenador assunto ba Ekonomiku, oinsa ho ami sira nebe mak ho motivu servisu estadu nian, ami husi municipio seluk ba servisu iha Municipio seluk, ami sempre aluga ema nia uma hodi hela no halao servisu estadu nian, bele hetan izensaun husi arenda ou estadu bele selu uma ne’ebe ami hela hodi servisu estadu nian neee???? obrigado.

HAKEREK NO HATÁN

Please enter your comment!
Please enter your name here