Ministra Edukasaun, Juventude no Desportu Dulce de Jesus Soares. Imajen/ Egas Crisotvao

DILI, 09 abríl 2020 (TATOLI)-Governu liuhosi Ministériu Edukasaun Juventude no Desportu (MEJD), Dulce de Jejus Soares rekoñese estudante Pre-Eskolár to’o Tékniku Vokasionál pursentu 30 iha área rurál maka la asesu programa eskola ba uma ne’ebé transmite diretamente iha kanál RTTL,ep, TVE, Online tanba laiha rede internet.

Governu lansa programa ne’e hodi fasilita estudante sira atu tuur hakmatek iha uma hodi estuda durante implementasaun estadu emerjénsia ne’ebé hahú ona iha loron 28 fulan-marsu to’o 26 fulan-abríl 2020 relasaun ho prevensaun surtu COVID-19 iha Timor-Leste.

Notísia Relevante :Estadu Emerjénsia, MEJD Fasilita Aprendizajen ba Estudante Liuhosi Mídia

Ba estudante pursentu 30 ne’ebé la asesu programa ne’e, MEJD iha ona planu sei imprime livru manual hodi distribui ba estudante sira atu estuda.

“Ita konsidera estudante pursentu 30  iha area rural mak seidauk asesu liña internet no mós kanal RTTL, maibe ami iha ona meiu atu fahe livru manual ba estudante sira,”dehan Governante ba jornalista sira iha Sentru Konvensaun Dili, kuarta (08/04/2020).

Notísia Relevante :MEJD Deklara Adia Ezame ba Estudante

Prosesu imprisaun livru manuá hirak ne’e sei halo hafoin Governu simu ona relatóriu monitorizasaun hosi ekipa tékniku sira-nia kona-ba programa implementasaun eskola ba uma.

Nia dehan, Ministériu halo ona kontaktu ho parseiru sira ne’ebé durante ne’e fó apoiu ba programa edukasaun atu fó apoiu hodi imprime livru ba estudante sira.

Jornalista : Tomé Amado 

Editór       : Agapito dos Santos

HAKEREK NO HATÁN

Please enter your comment!
Please enter your name here