Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI,08 abríl 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, informa planu governu atu apoiu internet gratuita ba estudante universitáriu sira iha hela faze deskusaun ho Kompañia Telekomunikasaun tolu hanesan Telcomsel, Telemor no Timor-Telekom.

“Ha’u enkamiña ona proposta ida ne’e ba Ministru Transporte no Telekomunikasaun atu halo negosiasaun ho operadór tolu hanesan  Timor-Telekom, Telecomsel no  Telemor atu bele  instala liña internet iha munisípiu sira inklui iha área rurál,”dehan nia ba Jornalista Sira iha Sentru Konvensaun Dili, kuarta (08/04/2020).

Maske planu instalasaun ne’e iha ona faze negosiasaun maibé parte haat seidauk iha desizaun serteza ida hodi hahú tama ba iha prosesu implementasaun.

Notísia Relevante :Governu Planeia Oferese Internet Gratuita ba Estudante

“Signifika seidauk serteza, kuandu iha ona rezultadu pozitivu mak foin bele relata ba públiku, maibé governu nafatin halo esforsu atu hetan rezultadu iha negosiasaun ne’e,”tenik Governante.

Nia hateten, objetivu hosi planu instalasaun internet gratuita ne’e hodi fasilita estudante sira atu bele aprende materia sira ne’ebé maka universidade oferese durante feriadu fulan ida iha ámbitu implementasaun estadu emerjénsia.

Jornalista : Tomé Amado    

Editór       : Agapito dos Santos

HAKEREK NO HATÁN

Please enter your comment!
Please enter your name here