DILI, 08 abríl 2020 (TATOLI)-Tuir Relatóriu hosi Gabinete Jestaun Krize fó sai to’o kuarta (08/04/2020) aumenta ona ba ema na’in 49, pozitivu sei mantein ida, na’in 45 negativu no na’in tolu sei iha prosesu teste laboratóriu ka provavel.
Portavóz Sala Situasaun Jestaun Krize, Odete Viegas da Silva hateten, kompara ho tersa (07/04/2020) suspeitu ba surtu COVID-19 iha kazu 46, negative 41, pozitivu kontinua mantein na’in ida no na’in tolu sei iha prosesu provavel.
Notísia Relevante :TL Seidauk Rejistu Suspeitu COVID-19 ho Númeru Boot
Dadus atuál abitante hamutuk 918 maka oras ne’e kumpre hela kuarentena obrigatóriu no auto-kuarentena iha uma.
”Hanesan konfinamentu obrigatoriu totál 869 kompara ho loron horiseik nian 884 númeru ne’e inklui ona Dili no Munisípiu sira no auto-konfinamentu ohin loron nian dadus totál 49 se kompara ho horiseik 74 entaun númeru ne’e inklui Dili ho Munisípiu sira,” informa Odete Viegas da Silva, durante konferénsia imprensa iha Sentru Konvensaun Dili, kuarta ohin.
Notísia Relevante :Pasiente Ho COVID-19 Sei Kontinua Pozitivu
Okupante kuarentena obrigatóriu ultrapasa ona loron 14 hamutuk ema na’in 777 no auto-kuarentena 49.
Jornalista : Felicidade Ximenes
Editór : Agapito dos Santos
