Komandante PNTL Munisípiu Dili, Superintendente Xefe Armando Monteiro. Imajen/Eugénio Pereira

DILI, 08 abríl 2020 (TATOLI) – Polísia Nasionál Timor-Leste (PNTL) liuhosi komandu Munisípiu Dili, ne’ebé lidera hosi Superintendente Xefe, Armando Monteiro, kontinua  rega ai-moruk dezinfetante (disinfectant) ba sirkulasaun transporte públiku hodi prevene surtu Coronavirus ka COVID-19.

Notísia Relevante : PNTL Apela Nafatin ba Populasaun Atu Hakmatek iha Uma

Movimentu transporte públiku hotu ne’ebé ohin,  liuhosi area jardín 5 Maiu, Colmera,  tenke rega ho ai-moruk dezinfetante iha karreta nia isin-lolon to’o karreta-laran no ba motor mós rega hotu.

“Atividade ida-ne’e parte ida hosi serbisu polísia nian hodi halo prevensaun ba surtu COVID-19,”  informa Komandante PNTL Munisípiu Dili, Superintendente Xefe Armando Monteiro ba jornalista-sira.

Nia hateten, atividade rega ai-moruk dezinfetante ne’e sei kontinua hala’o mós iha dalan estrada públiku no fatin públiku seluk iha kapitál Dili.

Komandante Armando Monteiro husu sosiedade ein-jerál hamutuk atu prevene surtu COVID-19 iha Timor-Leste.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here