Ilustrasaun

DILI, 08 abríl 2020 (TATOLI)-Tuir dadus husi Diresaun Nasionál Kontrolu Moras, Departementu Vijilánsia no Epidemilojia, Ministériu Saúde katak munisípiu Dili, Covalima no Ermera tama iha kategoria Munisípiu ho kazu dengue a’as durante fulan janeiru to’o inisiu abríl 2020 ho totál pasiente 630.

Iha Munisípiu Dili hamutu pasiente  ho kazu dengue hamutuk ema na’in 310 no mate ida, Ermera ema 293 maibé laiha pasiente maka mate no Munisípiu Covalima 27, mate na’in ida.

Notísia Relevante :Moras Dengue Hamate Ona Labarik Nain Haat

”Moras dengue agora daudaun sa’e maka’as iha rai-laran tanba komunidade sira la halo sanitasaun ba idak-idak nia hela fatin,” hateten, Vise Ministru Dezenvolvimentu Estratéjiku Saúde, Bonifácio Maucoli dos Reis ba jornalista sira, hafoin ramata reuniaun Konsellu Ministru, iha Sentru Konvensaun Dili, kuarta ohin.

Atu halo prevensaun ba kazu dengue iha Munisípiu tolu ne’e, Governante relata orienta ona diresaun prestasaun saúde Ministériu Saúde atu konsentra liliu ba fatin tolu ne’e hodi fó tratamentu no prevensaun ba moras dengue.

Notísia Relevante :Dengue Hahú Domina HNGV

Nia dehan tan, maski dadaun ne’e Timor-Leste esforsu maka’as hodi halo prevensaun ba surtu COVID-19 ka coronavirus maibé presiza fó mós atensaun ba moras sira seluk.

“Ita atu halo prevensaun mak liliu ba komuidade sira, ezemplu iha foho atu kuda batar besik uma hun entaun susuk ne’e bele mosu barak iha fatin sira hanesan ne’e,”katak Ministru Saúde Én ezersisiu.

Notísia Relevante :Dengue Halakon Ona Ema Na´in Ualu Nia Vida

Ministériu Saúde halo Promosaun no desiminasaun informasaun ba komunidade importante atu hasa’e konsensia sira-nia ba halo prevensaun iha idak-idak nian família.

Notísia Relevante :Prevene Dengue, Hamoos Lixu No Bee Nalihun Sira

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here