Primeiru-Ministru, Taur Matan Ruak, prezide Reuniaun Konsellu Ministru iha CCD, kuarta (08/04). Imajen Tatoli/Egas Cristovão

DILI, 08 Abríl 2020 (TATOLI) – Ministru Koordenadór Asuntu Ekonómiku interinu, Fidelis Manuel Leite Magalhães, halo aprezentasaun ba Konsellu Ministru (KM) kona-ba pakote ekonómiku, liuliu fó asisténsia direita ba kada uma-kain ho montante $100, nune’e ezekutivu sira kontinua analiza proposta ne’e.

Planu ekonómiku ne’e, hodi hatán ba implikasaun negativu sira husi COVID-19 ba ekonomia nasionál.

Pakote husi medida sira ne’e, fahe ba área prinsipál ualu, inklui medida relativa sira ba distribuisaun sasán esensiál sira, liña kréditu, izensaun fiskál no subsídiu ba sidadaun sira.

“Área ne’e, refere ba asisténsia direta mak hanesan apoiu diretu ba populasaun no empreza sira, ho objetivu atu garante kada família hetan rendimentu $100 kada fulan, ho fornesimentu partisipasaun salariál hamutuk ho empregadór sira atu fó subsídiu ba traballadór hamutuk ho izensaun ba pagamentu kontribuisaun seguransa sosiál husi traballadór no empregadór sira, ho izensaun ba pagamentu ba emprezáriu sira ne’ebé aluga iha propriedade Estadu nian,” refere nota impresa ne’ebé Agência Tatoli asesu, kuarta ne’e.

Área ba pakote ualu husi medida sira ne’e, maka hanesan área dahuluk, kona-ba konesaun no hanesan objetivu hodi asegura ba kontinuidade hodi fornese transporte marítima no aéreu, ho forma atu garante abastesimentu nasionál husi merkadoria sira.

Área daruak nian, kona-ba distribuisaun ba sasán esensiál sira, espesiál liu ba ai-han, ai-moruk no ekuipamentu klínika sira nian, liuhosi partisipasaun hamutuk fornesimentu no distribuisaun ba sasán esensiál husi parte  Governu nian.

Tuir mai, área datoluk nian, mak atuasaun ida-ne’e refere ba garantia atu fó kontinuidade fornesimentu ba servisu telekomunikasaun, ne’ebé mak hanesan Governu sei subsídia asessu internet ba estudante no profesór sira.

Área dahaat nian, refere ba medida alíviu fiskál, hanesan adiamentu ka suspensaun temporária  obrigasaun fiskál, ho forma hamenus todan ba empreza no konsumidór sira no fornese mós likuidéz ba empreza sira.

Nune’e mós, área dalima refere ba atuasaun, servisu utilidade públika, partisipasaun hamutuk ka suspensaun pagamentu servisu fornesimentu eletrididade no bee.

Enkuantu, área daneen nian kona-ba, despeza públika atu aselera ba ezekusaun husi despeza públika ne’ebé orsamentada ona, mak hanesan liuhosi antesipasaun ba pagamentu saláriu sira, benefísiu sosiál, subsídiu no valór sira ne’ebé mak previstu kontratualmente iha prosedimentu aprovizionamentu no área dahitu nian, kona-ba kriasaun liña kréditu ho taxa sira ne’ebé menus.

Ikus liu iha área daualu nian, kona-ba atuasaun no área ne’e refere ba asisténsia direta, mak hanesan apoiu diretu sira ba populasaun no empreza sira, ho objetivu atu garante kada família hetan rendimentu $100 kada fulan, ho fornesimentu partisipasaun salariál hamutuk ho empregadór sira atu fó subsidia ba traballadór hamutuk  ho izensaun ba pagamentu husi kontribuisaun seguransa sosiál husi traballadór sira no husi empregadór sira no ho izensaun ba pagamentu ba emprezáriu sira ne’ebé aluga iha propriedade Estadu nian.

Jornalista: Florencio Miranda Ximenes

Editora: Julia Chatarina

1 KOMENTÁRIU

  1. Agradese tebes ba governo nia esforsu tomak iha situasaun difisil ida ne’e,hare ba iha tempu ida ne’e nudar povo kbi’it laek ami susar tebes atu prienche nesesidades bazikus no susar atu hetan aihan lor-loron nian tuir refeisaun normal loron ida han dala tolu (3)ne’e susar tebes ona,tamba limitasaun movimentu no laiha rendimentu ida ne’e mak difikulta tebes.
    Se karik governo realiza duni subsidiu ba uma kain ida-ida hetan duni $100 dollar Americano ne’e atu husu deit oinsa ho uma ida uma kain 3-4 hela hamutuk no mos oinsa ho labarik bebe sira ne’ebe konsumu susuben deit,nudar ema kbi’it laek hakarak sugere deit,diak liu ne’e ekipa jentaun de krizi tun diretamente ba iha familia ida-ida labele liu husi xefe suku no xefe aldeia sira bele mosu manipulasaun de dadus,karik bele lao hamutuk ho ekipa Rede feto sira,tamba ekipa rede feto mak nudar agente primeiro ne’ebe hetan apoiu husi embaixada nova zelandia hodi halo distribusaun material prevensaun covid-19 ba ema kbi’it laek no faluk sira iha municipio 10, kada municipio uma kain atus ida,hare ba realidade lider komunitariu sira gosta falsifika dadus tuir sira nia hakarak no gostu deit.
    Husu ba ekipa jesaun de krize ne’e presiza tebes ita bo’ot sira nia prezensa iha komunidade nia matan atu hatan ba sira nia preokupasaun no responde moris to bainhira krize ne’e remata,obrigada barak ba nai ulun sira nia esforsu.

HAKEREK NO HATÁN

Please enter your comment!
Please enter your name here