Ministra Edukasaun, Juventude no Desportu Dulce de Jesus Soares. Imajen/ Egas Crisotvao

DILI, 08 abríl 2020 (TATOLI)-Ministra Edukasaun Juventude no Desportu (MEJD), kuarta (08/04/2020), ofisialmente deklara ba públiku hodi adia ezame trimestrál dahuluk iha tinan letivu 2020 ba estudante hosi Pre-Eskolár to’o Tékniku Vokasionál relasiona ho implementasaun estadu emerjénsia.

Liuhosi konferénsia imprensa, kuarta ohin iha Sentru Konvensaun Dili, Dulce Jesus Soares hateten tuir kalendáriu ezame sei akontese iha loron 13 to’o 18 fulan-abríl maibé posibilidade adia ba loron 20 to’o 25 fulan hanesan.

“Ha’u hakarak fó sai ba públiku no inan-aman sira hotu katak prova avaliasaun ba Primeiru periodu tuir kalendáriu eskola sei realiza iha semana oin husi loron 13-18 ne’e, maibé sei adia tuir situasaun,” tenik Ministra Edukasaun Juventude no Desportu.

Maske governante fó sai data ezame atu hala’o iha fin abríl 2020, maibé desizaun ne’e seidauk fiksu tanba sei depende mós ba situasaun rai-laran ne’ebé liga ho COVID-19.

“Ami sei hein atu foti desizaun finál, maibé inan-aman no estudante sira lalika preokupa tanba prova avaliasaun periodu sei lao nafatin ba estudante sira hotu,”nia realsa liután.

Dulce de Jesus Soares husu ba estudante sira atu kontinua partisipa programa eskola ba uma ne’ebé Governu transmite liuhosi Kanál RTTL,ep, TVE, online, priense servisu uma sira no seluk tan durante feriadu iha uma.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here