Treinadór Simon fó instrusaun ba jogadór Lalenok United FC. Imajen espesiál

DILI, 08 abríl 2020 (TATOLI)-Atu evita transmisaun surtu COVID-19 ba jogadór sira, dirijente Klube Primeira Lalenok United FC tenke suspende sira-nia atividade treinamentu ba jogadór sira durante estadu emerjénsia.

Treinadór Lalenok Unitede FC, Simón Elissetche, informa daudaun ne’e jogadór idak-idak obrigadu fila ba sira-nia uma hodi apoiu governu ba prevene coronavirus iha rai-laran.

“Agora treinamentu provizóriu para hela, fulan ida ramata COVID-19 laiha ona mak ami foin hahú fali ami nia preparasaun,” dehan Simón ba Agência TATOLI, via mídia sosiál facebook kuarta (08/04/2020).

Tuir nia treinamentu ba jogadór sira ne’e hala’o hodi prepara ba Liga Futeból Amadora (LFA) époka 2020 ne’ebé sei realiza iha fulan-maiu, maibé sei depende ba problema pandemia globál COVID-19.

Jornalista : Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here