Traballadór sira hatun foos iha Portu Dili. Imajen Tatoli/António Gonçalves

DILI, 08 abríl 2020 (TATOLI)-Governu liuhosi Ministériu Negósiu Esntranjeiru no Kooperasaun MNEK oras ne’e kontaktu ona Nasun Vietname ho Kambodia atu importa foos mai Timor-Leste durante implementasaun estadu emerjénsia ligadu ho pandemia globál ne’ebé akontese iha mundu tomak.

“Ami kontaktu ona Kambodia ho Vietname, agora iha hela prosesu, akordu ne’ebé atu halo Sentru Lojístika Nasionál para servisu ho sira-nia ema iha ne’ebá atu prosesu lalais,”dehan MNEK, Dioníso Babo Soares, ba jornalista sira iha Sentru Konvensaun Dili, kuarta ohin.

Notísia Relevante :Foos iha Armazén Estadu Tonelada 375

Nia adianta tan katak nasaun rua ne’e iha ona kompromisu atu importa foos mai TL tanba hetan ona konkordansia hosi sira nia Xefe Governu.

Embaixadór Timor-Leste destakadu iha nasaun rua ne’e, dadaun ne’e halo hela esforsu nune’e bele hetan ona konkordansia atu import afoos mai rai-laran.

Maibé Governu iha alternativu atu kontaktu nasaun seluk atu responde pedidu Timor-Leste nian kona-ba importasaun foos tanba atu responde nesesidade konsumidór rai-laran bainhira estoke iha Sentru Nasionál Lojístika menus ona.

Jornalista : Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here