Portavoz Sala Situasaun Jestaun Krize, Odete Viegas da Silva.Imajen/Egas Cristovao

DILI, 08 abril 2020 (TATOLI)–Governu liuhusi Portavós Sala Situasaun Sentru Integradu Jestaun Krize (CIGC, sigla Portugés),  Odete Viegas da Silva, apela ba okupante sira ne’ebé mak hela iha fatin kuarentena atu mantein regra distánsia sosiál.

Nia husu ba okupante sira atu hakamtek iha sira ida-idak nia kuartu atu nune’e bele minimiza kontaktu no mós mantén garante ijiéne iha sira-nia hela fatin, labele fuma no labele hemu tua iha fatin kuarentena.

“Ita husu ba sira ne’ebé hela iha kuarentena atu mantén nafatin distánsia sosiál no hakmatek iha fatin hodi nune’e minimiza kontaktu atu lebele fuma sigaru no labele hemu tua iha fatinn kuarentena,” dehan Odete Viegas da Silva, ba jornalista sira iha Sentru Konvensaun Dili (CCD, sigla sigla Portugés), Merkadu Lama, Dili, kuarta ne’e.

ha parte seluk, nia apela mós ba ema hirak ne’ebé mak kumpre ona regra no sai ona hosi kuarentena atu evita stres atu nune’e bele mantein imunidade.

“Husu atu evita stres nune’e mantein ita-nia imunidade. Ba sira ne’ebé mak sai hosi ona kuarentena iha loron hirak liubá, mantein distánsia sosiál no fase liman beibeik no karik iha sintoma ruma hanesan isin manas, mear no dada iis-boot halo favor kontaktu ba númeru 119 ka kontaktu ba profísionál saúde ne’ebé durante ne’e halo akompañamentu ba sira-nia kondisaun,” nia dehan.

Entretantu, ba komunidade sira ne’ebé daudaun hela iha nia uma tenke fó kontribuisaun no kolabora ho estadu atu nune’e bele hamutuk kombate surtu COVID-19.

Protavóz ne’e hateten, agora ne’e daudaun ema barak mak preokupa ba timoroan sira ne’ebé mak mai hosi rai liur no preokupasaun boot liu mak oinsá Governu bele hapara estudante timoroan sira hosi rai liur tama mai Timor-Leste.

“Ita haree ba situasaun agora rai laran movimentu kontinua tama no sai. Maibé, ohin iha diskusaun Konsellu Ministru nian atu oinsá mak bele hapara timoroan sira tama hosi fronteira. Sala Situasaun mós fó ona proposta sira ne’e, espera katak iha tempu badak bele iha ona resposta ba ida ne’e,” nia esplika.

Agora ne’e daudaun, nia hateten, Timor-Leste nia preokupasaun mak ba timoroan sira ne’ebé mak hela iha kuarentena ne’e dezenvolve ka iha sintoma COVID-19 ruma, entaun Timor-Leste mós tenke foku ba ida ne’e.

Nia relata katak Serbisu Intregradu la’ós Ministériu Saúde (MS) de’it maibé hamutuk ho Forsa-Falintil Defeza Timor Leste (F-FDTL) no Polisia Nasional Timor Lorosa’e (PNTL) hodi tau importánsia.

“Ita-nia importansia ba ida-idak katak medida prevensaun ne’ebé Ministériu Saúde fó liuhusi Organizasaun Saúde Mundiál (OMS), Husu bai da-idak atu konsiente ba situasaun ida ne’e,” nia dehan.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here