Reitór UNPAZ eleitu, Adolmando Soares Amaral. Foto TATOLI/Tomé Amado

DILI, 08 abríl 2020 (TATOLI)-Mágnifiku Reitór Universidade da Paz (UNPAZ), Adolmando Amaral hateten, estudante UNPAZ pruvolta pursentu 50 iha área rurál la asesu sistema aprendizajen online uza software google class room tanba laiha liña internet.

Prosesu aprendizajen uza sistema online ne’e hodi fasilita estudante sira atu estuda iha uma durante implementasaun estadu emerjénsia relasaun ho COVID-19.

“Ami hanoin ona alternativu balun atu solusiona problema ne’ebé ita-nia estudante pursentu 50 infrenta iha área rurál tanba ida ne’e la’ós sira nia sala. Tanba ne’e ita tenki análiza ho fuan hodi nune’e bele salva sira iha semester ida ne’e,” informa, Reitór UNPAZ ne’e ba TATOLI, iha resintu Universidade da Paz, kuarta (08/04/2020).

Nia promete sei koordena ho dosente sira atu hanorin fila-fali materia balun ne’ebé maka estudante sira la konsege asesu durante implementasaun Sistema online.

“Ita haree fila fali husi sistema online ne’e hatudu fali parte pozitivu tanba estudante sira iha interasaun ho ita. Sira buka hakarak hatene, dalaruma iha aula ita husu sira la hatan to’o fila,”katak nian.

Jornalista : Tomé Amado

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here