Logotipu UNPAZ

DILI, 08 abríl 2020 (TATOLI)-Alumi medicina hosi Fakuldade Saúde públika Universidade da Paz (UNPAZ) hamutuk ema 3.200 prontu atu tulun Ministériu Saúde hodi prevene COVID-19 bainhira kazu ne’e aumenta iha rai-laran.

Reitór UNPAZ Adolmando Amaral hatete nia parte dadaun ne’e rekoilla ona dadus hosi alumi Universidade da Paz hodi prepara hela bainhira simu pedidu urjente hosi Ministériu Saúde atu halo kolokasaun ba terrenu.

Ita sei haruka sira ne’e ba hotu iha Ministériu Saúde kuandu volume husi COVID-19 ne’e sa’e maka’as ona Iha Timor-Leste. Maibé ita mós sei husu ba Ministériu Saúde tenki realiza uluk formasaun ruma ba estudante sira ne’e molok destaka sira ba área ne’ebé de’it hodi halo prevensaun,”dehan, Adolmando Amaral ba Agência TATOLI, iha ninia servisu fatin iha resintu UNPAZ, kuarta (08/04/2020).

Atu konfirma loloos alumi sira nia desizaun hodi involve iha programa ne’e, nia dehan lansa ona informasaun liuhosi mídia sosiál facebook no Whatsapp maioria alumi sira prontu no preparadu atu tulun Ministériu Saúde.

Reitór UNPAZ ne’e adianta maske estudante sira prontu ona maibé parte universidade sei konfirma ho família hosi alumi idak-idak hodi hetan aseitasaun tanba servisu ne’e risku.

“Servisu ne’e mós risku entaun depende mós ba sira idak-idak, maibé depois halo konfirmasaun liuhusi mídia sosiál kuaze pursentu 75 mak prontu ona atu partisipa,”katak Adolmando.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here