Eis Vise-Ministra Kuidadu Saúde Primaria, Elia Dos Reis Amarál hamutuk ho Vise-Ministru Dezenvolvimentu Estratejia Saúde, Bonifacio Maucoli hala'o konferénsia imprensa relasiona ho gravasaun ne'ebé virál iha media sosiál.Imajen: Felicidade Ximenes

DILI, 07 abríl 2020 (TATOLI)-Primeiru-Ministru, Taur Matan Ruak, liuhosi despasu númeru 020/PM/IV/2020 delega ona kompotensia ba Vise Ministru Dezenvolvimentu Estratéjiku Saúde, Bonifácio Maucoli dos Reis hodi subtitui provizóriu kargu Vise Ministra Kuidadu Saúde Primária Élia António de Araújo dos Reis Amaral.

“Delega Vise Ministru Dezenvolvimentu Estratéjiku Saúde Bonifácio Maucoli dos Reis to’o nomeasaun Ministru Saúde, kompeténsia sira ba diresaun kona-ba órgaun servisu administrasaun direta ne’ebé mak integradu iha Ministériu SAúde,” refere despasu Primeiru-Ministru ne’ebé TATOLI asesu hosi Ministériu Saude iha Palasiu Sinzas, Caicoli Dili, tersa (07/04/2020).

Notísia Relevante :Ezonera Vise-Ministra Élia, PM Taur : “Ha’u Lakon Konfiansa”

Karta despasu ne’e mós hateten subtituisaun ne’e nu’udar poder superintendénsia no tutela ba pesoál koletiva públika no integrada sira iha adminitrasaun indireta estadu nian, liliu iha ámbitu Ministériu Súde.

Delegasaun poder ne’e sei ramata bainhira Primeiru-Ministru halo ona nomeasaun foun ba kargu ministru-saúde foun.

Notísia Relevante : Prezidente Repúblika Aseita Ezonerasaun Ministra Saúde Interina

Primeiru-Ministru, Taur Matan Ruak halo demisaun ba Vise Ministra Élia dos Reis Amaral iha semana kotuk ho razaun laiha ona konfiansa pesoál atu kontinua assume kargu ne’e to’o mandatu governu ramata.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here