Portavóz CIGC no Koordenadór Ligasaun Ofisiál ba Forsa Tarefa COVID-19, Rui Maria de Araújo. Imajen Tatoli/Egas Cristovão

DILI, 07 abríl 2020 (TATOLI)-Portavóz Sala Situasaun Sentru Integradu Jestaun Krize Rui Maria de Araújo hateten maski pesoál saúde fó ona tratamentu saúde ba pasiente COVID-19 durante semana tolu ona maibé rezultadu teste laboratóriu indika sei pozitivu.

“Agora daudaun sintoma isin manas ne’e laiha ona maibé resultadu laboratóriu sei nafatin pozitivu,” reforsa Rui Maria de Araújo durante konferénsia imprensa iha Sentru Konvensaun Dili, tersa (07/04/2020).

Eis Primeiru-Ministru ne’e dehan, atu rekupera hosi moras ne’e presiza tratamentu to’o semana haat liu.

“Maibé agora daudaun ita tama ona iha semana haat no loron hirak tan ita rona ona rezultadu kona-ba teste ida ikus nian,” katak nia.

Hodi hatutan bainhira atu alta hodi sai hosi fatin izolamentu, tuir Rui Maria de Araújo, presiza haree hosi teste pelumenus dala rua tutuir malu ho rezultadu negativu.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here