Estudante sira nebe husi Indonesia mai liu husi Fronteira Motain, wainhira to iha Hotel Katuas Dili. lImajen/TATOLI

DILI, 06 abríl 2020 (TATOLI)-Diretór Kompañia Fantija Catering Unipessoál Lda, Carlito de Araújo, deklara sei tetu desizaun sira bainhira atu estabelese tan kontratu foun ho Governu hodi uza otél sai fatin kuarentena ba abitante sira durante loron 14 ba prevene surtu coronavirus.

“Ami ninia Traballadór sira to’o agora la tama servisu tanba tauk surtu CORONAVIRUS ne’e, tanba ne’e ami laiha kapasidade atu simu tan maluk sira iha otél ne’e,”dehan Diretór Kompañia ba Agência TATOLI, via telefone, segunda (06/04/2020).

Notísia Relevante :Kompaña Neen Forñese Ai-han  ba Kuarentena 17

Atuál na’in ba kompañia nasionál ne’e hatutan, falta tan loron haat abitante hamutuk ema na’in 22 okupa ona fantija otél sai fatin kuarentena obrigatóriu sei re-integra ba sira nia família.

“Oinsá ami atu garante kuandu governu hakarak kontinua halo kontratu ho ami se wainhira ami ninia ema de’it laiha atu hamoos no fasé kuartu iha otél ne’e,”tenik tan.

Notísia Relevante :Ema Na’in 151 Kuarentena iha Otél Haat no Konventu Madre Comoro

Tanba ne’e, Carlito suzere ba Governu atu fó espasu tempu ba sira hodi hamoos kuartu no areadór otél nian bainhira hakarak atu kontinua extende kontratu ne’e hodi simu tan okupante foun.

“Ami nia servisu na’in sira la tama hotu serviu perante fatin ne’e sai kuarentena ema ne’ebé mak fó tempu servisu mak ha’u, ha’u nia kaben no oan de’it mak halo servisu, tanba ne’e mak ami sente todan,” nia konfesa liután.

Iha semana kotuk, Otél Fantija oferese ona kuartu 16 ba abitante 22 hafoin fila hosi rai-li’úr hodi hela durante loron 14 ba prevene surtu COVID-19.

Jornalista : Tomé Amado

Editór      : Agapito dos Santos

HAKEREK NO HATÁN

Please enter your comment!
Please enter your name here