Diretóra Jerál Prestasaun Saúde, Odete Viegas da Silva.Imajen /Egas Cristovão

DILI, 06 abríl (TATOLI)-Diretóra Jerál Prestasaun Saúde, Odete Viegas da Silva, hateten Ministériu Saúde koloka ona profisionál Saúde hamutuk ema na’in 1000-resin bá iha ospitál nasionál, ospitál referál no mós Sentru Saúde sira hodi atende kazu pandemia Coronavirus ka COVID-19.

Hosi númeru rihun ida ne’e involve diretamente hosi medíku espesialista, enfermeira, infermeiru, parteira no seluk tan.

“Profesionál saúde tama tan ho espesialista hamutuk ema na’in 1000 resin, efremeiru no parteira ne’e limitadu,”dehan Odete Viegas da Silva, iha konferénsia imprensa iha Sentru Konvensaun Dili, (CCD-sigla portugés), segunda (06/04/2020).

Nia hatutan númeru ne’e seidauk bele koresponde servisu iha terrenu bainhira númeru kazu COVID-19 aumenta iha rai-laran tanba ne’e sei halo tan rekrutamentu foun.

“Ba oin mak ita haree situasaun grave, entaun iha Sentru Integradu Jestaun Krize ne’e mós hanoin ona katak ita sei bele husu asisténsia médiku  hosi nasaun seluk,” tenik tan.

Atu reforsa servisu iha terrenu, pesoál saúde sira hetan mós tulun hosi Voluntáriu Cruz Vermella Timor-Leste (CVTL), Polisia Nasionál Timor-Leste (PNTL) no FALINTIL-Forsa Defesa Timor Leste (F-FDTL).

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here