Komandante PNTL Munisípiu Dili, Superintendente Xefe, Armando Monteiro. Imajen/Egas Cristóvão

DILI, 06 abríl 2020 (TATOLI) -Polísia Nasionál Timor-Leste (PNTL) Munisípiu Dili, mantein seguransa másimu ba fatin kuarentena sira ne’ebé governu prepara.

Notísia Relevante : PNTL Apela Nafatin ba Populasaun Atu Hakmatek iha Uma

Komandante PNTL Munisípiu Dili, Superintendente Xefe Armando Monteiro, hateten, daudaun ne’e, Komandu PNTL Munisípiu Dili destaka ona membru na’in 184 iha fatin kuarentena 24 no fatin izolamentu ida (1), iha area jurizdisaun Dili nian hodi fó seguransa durante oras 24 nia-laran.

Superintendente Xefe Armando Monteiro, ohin, informa ba jornalista-sira iha Otél Novo Horizonte, Metiaut, Dili, katak, PNTL serbisu hamutuk ho Ekipa Jestaun Krize ne’ebé lidera hosi Primeiru-Ministru Taur Matan Ruak no liga ba parte seguransa, PNTL prontu nafatin hodi fó seguransa.

Nia hateten, situasaun seguransa iha fatin kuarentena hotu la’o di’ak, maibé hanesan iha inísiu iha Otél Novo  Horizonte no Otél Audian no fatin balun tan mak iha perturbasaun ka dezentendimentu entre komunidade lokál tanba rejeita.

Hafoin akontesimentu, Armando Monteiro, fó-sasin katak,  liuhosi mediasaun ho autoridade lokál hodi konvense  komunidade no buat hotu la’o di’ak.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here