Primeiru-Ministru, Taur Matan Ruak. Imajen Tatoli/ Egas Cristovão

DILI, 06 abríl 2020 (TATOLI) – Primeiru-Ministru (PM), Taur Matan Ruak deklara katak desizaun ezonerasaun ba Vise-Ministra Saúde Asuntu Kuidadu Saúde Primária, Élia António de Araújo dos Reis Amaral tanba lakon konfiansa.

“Ha’u lakon konfiansa, tanba ne’e ha’u lakohi servisu hamutuk ona ho nia. Ha’u nia resposta ida de’it maka ha’u nia konfiansa ba nia laiha ona no señora nia servisu hotu tiha ona”, hateten PM Taur iha Sentru Konvensaun Dili (CCD, sigla portugés), segunda ne’e.

Notísia Relevante: Prezidente Repúblika Aseita Ezonerasaun Ministra Saúde Interina

Kona-ba ema ne’ebé sei troka kargu eis Vise-Ministra ne’e, tuir Xefe Governu seidauk iha desizaun no daudaun ne’e Vise-Ministru Asuntu Dezenvolvimentu Estratéjiku Saúde, Bonifácio Maukoli dos Reis mak sei asume responsabilidade.

“Daudaun ne’e seidauk iha ema ida mak atu troka no Vise-Ministru Saúde, Bonifácio mak tau matan hela ba asuntu saúde”, relata eis Prezidente Repúblika ne’e.

PM Taur konfirma katak, karta ezonerasaun ne’e Governu haruka ona ba eis Membru Governu ne’e.

“Dekretu Prezidente Repúblika nian sai ona, ne’ebé karta ba nia mós sai tiha ona”, nia akresenta.

Entretantu iha sesta (03/04), Prezidente Repúblika, Francisco Guterres ‘Lú Olo’ liuhosi dekretu númeru 30/2020, 3 abríl, deklara aseita pedidu Primeiru-Ministru, Taur Matan Ruak, hodi halo ezonerasaun ba Ministra Saúde interina, Élia dos Reis Amaral husi ninia funsaun iha VIII Governu Konstitusionál.

Pedidu ne’ebé hato’o husi PM Taur ba Xefe Governu atu demite Ministra Saúde interina ne’e hahú tama vigora iha 3 abríl 2020.

Pedidu ne’e, Xefe Governu hato’o, hafoin iha loron kinta (02/04) akontese dezintendimentu iha Sentru Intengradu Jestaun Krize (CIGC, sigla portugés) kombate COVID-19 liga ho públikasaun informasaun ba públiku ne’ebé kontráriu

Jornalista: Antónia Gusmão

Editora: Julia Chatarina

2 KOMENTÁRIU

  1. espera katak labele fo impaktu ba publiku no hanaruk tan impasse politik TL nian…la komprende ho situasaun politika TL ne;e…ami jerasaun foun atu rai netik lisaun saida hosi Imi?????????

  2. PM pecat deit mak vice minitra entaun oinsa ho ministra interina rasik???? tanba altura nba sira nain rua mak hamutk hodi fo sai liafuan sira neee relasiona ho moras covid-19 ba publiku.

HAKEREK NO HATÁN

Please enter your comment!
Please enter your name here