Enkontru kuadru AMP iha rezidénsia Prezidente Partidu Congresso Nacional de Rekonstrução de Timor (CNRT), Kay Rala Xanana Gusmão, iha Lecidere, domingu (05/04). Imajen Tatoli/Antónia Gusmão

DILI, 05 abríl 2020 (TATOLI) – Prezidente Partidu Congresso Nacional de Reconstrução Timorense (CNRT), Kay Rala Xanana Gusmão, realiza enkontru ho kuadru Aliansa Maioria Parlamentár (AMP) iha ninia rezidénsia Lecidere, Dili, domingu ne’e.

Enkontru ne’ebé realiza iha iha tuku 15:00 ne’e taka ba públiku no mídia.

Enkontru ne’e partisipa husi Arão Noe (atuál Prezidente Parlamentu Nasionál), Sara Lobo Brites (atuál Ministra Finansa interina), Dionísio Babo Soares (atuál Ministru Negósiu Estranjeiru no Kooperasaun), José Agustinho da Silva (atuál Ministru Transporte no Komunikasaun), Filomeno da Paixão de Jesus (atuál Ministru Defeza no seguransa no Ministru Interiór interinu).

Nune’e mós, Prezidente Partidu Unidade Dezenvolvimentu Demokrátiku (PUDD), António De Sá Benevides, Prezidente, União Democrático Timorense (UDT), Francisco David Ximenes, Sektetáriu Jerál Partidu Demokrátiku (atuál portavós AMP), António da Conceição, Deputada Frente Mudansa, Isabel Maria Ximenes, Ricardo Nheu, Deputada Bankada CNRT Fernanda Lay, Deputada Carmelita Caetano Moniz, eis Ministra Saúde (MS) interina, Élia António Amaral dos Reis.

Seidauk hatene motivu realiza enkontru ne’e, maibé enkontru ne’e realiza ba dala-rua ona hafoin Prezidente Repúblika (PR), Francisco Guterres ‘Lú Olo’ halo ezonerasaun ba Eis MS interina, Élia Amaral dos Reis iha sesta (03/04) liubá.

Xefe Estadu halo ezonerasaun ba eis MS interina ne’e bazeia ba proposta ne’ebé aprezenta hosi Primeiru-Ministru (PM), Taur Matan Ruak.

Tuir observasaun Agência Tatoli iha terrenu, iha rezidénsia Xanana, portaun taka metin husi pesoál seguransa durante enkontru.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here