Komunidade Timor oan sira nebe hela iha kuarentena Hotel Audian tanba foin fila husi rai liui.Imajen/Antonio Goncalves

DILI, 05 abríl 2020 (TATOLI)-Tuir planu iha segunda (06/04/2020),abitante hamutuk ema na’in 164 sei livre hosi kuarentena obrigatóriu tanba hela ona durante loron 14 hafoin fila hosi nasaun afetadu COVID-19.

Portavóz sala situasaun Sentru Integradu Jestaun Krize, Sergio Lobo informa hosi total abitante 164 ne’e, na’in 98 durante ne’e hela iha otél Novo Horizonte Metiaút, no ema na’in 66 iha Otél Audian Dili tenke fila ba sira-nia uma tanba laiha sintoma pandemia coronavirus.

“Sira tenke kuarentena loron 14 entaun sira la iha sintomas hodi bele fila ba ida-idak nia família ka hela fatin,” dehan Eis Ministru Saúde, Sergio Lobo, iha Sentru Konvensaun Dili, (CCD-sigla portugés).

Okupante hirak ne’e sei sai hosi fatin kuarentena rua ne’e hodi fila ba família ida-idak iha segunda aban, tuku 10:00 dadeer oras Timor-Leste.

No tuir planu iha tersa (07/04/2020)fulan-abríl balun mós sei livre tan tanba kumpre ona relugamentu Governu hodi hela iha kuarentena obrigatóriu durante loron 14.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here