Xanana Gusmão dadalia hela ho partidu koligasaun foun. Imajen TATOLI/Antónia Gonçalves.

DILI, 04 abríl 2020 (TATOLI)–Portavóz Koligasaun Foun, António da Conceição ‘Kalohan’, ohin, lakohi fó komentáriu ba rezultadu enkontru ne’ebé hala’o iha Prezidente Congresso Nacional Reconstrução Timorense (CNRT), Kay Rala Xanana Gusmão, nia  rezidénsia Lecidere, Dili.

“Ha’u seidauk bele fó komentáriu ba ida ne’e,” dehan António da Conceição “Kalohan” ba Ajénsia TATOLI vía telefone, sábadu ne’e.

Karreta sira ne’ebé lider partidu polítiku sira uza, para hela iha áreadór rezidénsia Prezidente CNRT, Kay Rala Xanana Gusmão, Lecidere, Dili, Sábadu (04 abril 2020). Imajen Tatoli/Florencio Miranda Ximenes.

Tuir informasaun ne’ebé Ajénsia TATOLI asesu hosi fonte konfirmadu seluk ne’ebé lakohi publika nia naran hateten, enkontru ne’e lidera husi Prezidente Partidu Congresso Nacional Reconstrução Timorense (CNRT), Kay Rala Xanana Gusmão, hodi ko’alia kona-ba asuntu politika rai laran no mós ezonerasaun Vise Ministra Saúde Élia Antónia Amaral dos Reis, iha loron 3 fulan abril tinan ne’e.

Enkontru ne’ebé taka ba públiku ne’e, hahú iha tuku 9:00 no ramata iha tuku 11:45.

Enkontru ne’e partisipa direta hosi lider partidu neen (6) ne’ebé forma koligasaun foun hanesan Congresu Nacional Timor-Leste (CNRT), reprezenta husi Kay Rala Xanana Gusmão, Aráo Noé de Jesus da Costa Amaral, Duarte Nunes ho Carmelita Moniz, Partidu Demokratiku (PD) António da Conceição ‘Kalohan’, Partidu Kmanek Haburas Unidade Timor Oan (KHUNTO) José Agustinho da Silva, Partidu União Democrática Timorense (UDT) Francisco David Xavier Carlos, Frente Mudança (FM) Ricardo Nheu, Partidu Unidade Dezenvolvimentu Demortatico (PUDD) António de Sá Benevides.

Notísia Relevante: Prezidente Repúblika Aseita Ezonerasaun Ministra Saúde Interina

Jornalista : Cipriano Colo

Editór     : Cancio Ximenes

HAKEREK NO HATÁN

Please enter your comment!
Please enter your name here