Fatin balun iha Tasitolu nebe governu identifika atu sai fatin kurentena.Imajen/Antonio Goncalves

DILI, 03 abríl 2020 (TATOLI)-Governu liuhosi Ministériu Saúde dadaun ne’e estabelese tan kuarentena iha Munisípiu Covalima hodi akumula Timoroan sira bainhira fila hosi nasaun afetadu coronavirus ka COVID-19

Diretór Nasionál Aprovizionamentu, Bernadino da Silva hateten, Kuarentena ne’ebé estabelese iha área Suai Vila ne’e iha edifísiu hamutuk 16, ho kuartu 32 maibé kuartu 12 oras ne’e okupa ona hosi abitante na’in 22 tanba foin fila hosi Indonézia.

Notísia Relevante :Dadus Provizóriu: Timor-oan Iha Kuarentena no Auto-Kuaretena Hamutuk 1.231

Enkuantu, kuartu 20 sei mamuk ne’e, Governu prosesa dadauk atu kompleta ekipamentu hanesan kolxaun, kama no seluk tan ba fatin mamuk ne’ebé maka seidauk uza.

Notísia Relevante :Governu Prepara Tan Kuarentena Foun Iha Tasi-Tolu

“Ha’u ohin hamutuk ho Administradór Munisípiu, Diretór Saúde Munisípiu ami bá haree ona akomodasaun iha Kuarentena nian oinsá atu aumenta tan fasilidade iha ne’ebá. Tanba sei falta kuartu lubuk ida mak seidauk kompletu,” dehan nia ba agência TATOLI, Via Telefone sesta (03/04/2020).

Notísia Relevante :Kompaña Neen Forñese Ai-han  ba Kuarentena 17

Okupante 22 ne’ebé oras ne’e hela iha Kuarentena Suai, ultrapasa hosi fronteira terrestre mota-masin iha semana kotuk.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here