Komandante PNTL Munisípiu Dili, Superintendente Xefe Armando Monteiro. Imajen/Eugénio Pereira

DILI, 02 abríl 2020 (TATOLI)–Komandu Polísia Nasionál Timor-Leste (PNTL) Munisípiu Dili, to’o oras ne’e, seidauk bele fó-sai rezultadu investigasaun ba asidente tráfegu ne’ebé envolve hosi suspeitu MDC atu soke karreta Primeiru-Ministru (PM), Taur Matan Ruak nian, kuarta lorokraik (01/03/2020), iha área Eskola Paulo VI, Dili.

Notísia Relevante : PNTL Detein Suspeitu MDC Tenta Soke Karreta PM Taur

Suspeitu MDC kondús karreta ne’e mak tenta soke karreta PM Taur nian. Imajen/Foti hosi Facebook

Maski investigasaun sei la’o hela, Komandante PNTL Munisípiu Dili, Superintendente Xefe Armando Monteiro, afirma katak suspeitu MDC ne’ebé kondús karreta Grand-Max koor-mutin ho matríkula A.22-180 TL ne’e  automatikamente dezobediénsia no tentativa.

Informasaun preliminária ne’ebé Komandu PNTL Munisípiu Dili pronúnsia mós katak suspeitu MDC laiha karta kondusaun no lori alkóliku.

Superintendente Xefe Armando Monteiro, ohin, informa ba jornalista-sira katak iha asidente ne’e envolve ema-na’in rua iha karreta Grand-Max nia-laran (suspeitu MDC ho A). Maibé, bainhira  mosu asidente suspeitu A dezvia-an tiha no halai.

“Mezmu nune’e, polísia kontinua buka-tuir no ohin dadeer, tuku 09:02 Otl,  konsege kaptura iha área Faularan, Comoro, Dili,” informa Komandante Armando Monteiro, iha Komandu PNTL Munisípiu Dili.

“Ha’u labele ko’alia uluk tanba sei iha investigasaun. Ne’e segredu justisa, tanba foin inisiu fó tempu atu bele konklui no rezultadu la’o tiha mak ha’u ko’alia,” hateten Armando Monteiro.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here