Koordenadór Forsa Tarefa Ligasaun COVID-19, Rui Maria de Araujo. Imajen Tatoli/Jogerjo Guterres

DILI, 02 abríl 2020 (TATOLI)–Koordenadór Forsa Tarefa Ligasaun COVID-19, Rui Maria de Araújo, hateten métodu teste ne’ebé Ministériu Saúde (MS) halo atu identifika moras COVID-19 mak hanaran Polimerace Change Reaction (PCR).

“Ministériu Saúde halo teste atu identifika vírus, la’ós rapid test, ida-ne’ebé uza agora ne’e hanaran Polimerace Change Reaction. Ezame ne’e atu identifika ain-fatin jenétika husi vírus ne’e bainhira pozitivu, signifika vírus ne’e iha duni, enkuantu rapid test ita la utiliza iha Timor-Leste tanba ita estuda husi rai sira seluk katak ita-nia foku halo test swap maibé uza PCR”, hateten eis Ministru Saúde ne’e liuhosi konferénsia imprensa, ne’ebé hala’o iha Sentru Mídia COVID-19, iha Sentru Konvensaun Dili (CCD, sigla Portugés), kinta ne’e.

Aleinde ne’e, nia adianta katak tratamentu ba ema ne’ebé pozitivu ba COVID-19 ne’e, daudaun hatudu sintoma ne’ebé di’ak, inklui iha kazu ne’ebé la’ós grave tebes.

“Nia vírus pozitivu maibé sintoma ne’ebé nia hetan ne’e la grave ida. Tanba ne’e halo observasaun hela no ami sei hein tempu atu halo filafali ezame laboratóriu dala-ida tan, nune’e bele konfirma vírus ne’e sei iha ka lae”, nia realsa.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here