Ministra Finansa en-ezersísiu, Sara Lobo Brites. Imajen Tatoli/ Egas Cristovão.

DILI, 02 abríl 2020 (TATOLI)—Governu liuhosi Minstériu Finansa (MF) sei redús despeza ne’ebé la nesesáriu iha serbisu administrasaun públika durante vijénsia Estadu Emerjénsia.

Ministra Finansa Ein-ezersísiu atuál Vise-Ministra Finansa, Sara Lobo Brites hateten, Parlamentu Nasionál autoriza ona millaun $250. Nia mós aseita ho montante orsamentu ne’ebé Parlamentu Nasionál aprova ona.

Hosi montante orsamentu ne’e koloka millaun $100 reforsa kofre estadu hodi finánsia serbisu administrasaun públika, millaun $150 antesipa despeza hasoru COVID-19 inklui rekuperasaun atividade ekonómika.

“Ho mós situasaun estadu emerjénsia, horisehik ami aprezenta iha Konsellu-Ministru atu redús tiha despeza iha administrasaun públika, liuliu despeza barak ne’ebé la nesesáriu mak hanesan viajen ba rai-li’ur, viajen ba munisípiu, no halo semináriu,” Ministra Finansa Ein-Ezersísiu atuál Vise-Ministra Finansa, Sara Lobo Brites, informa iha ámbitu debate pedidu levantamentu estraordinária, iha plenária Parlamentu Nasionál, kinta ne’e.

Tuir nia, durante estadu emerjénsia ne’e Governu sei foka ba COVID-19 nian hodi mantein Dotasaun Orsamentu Temporária (DOT) iha fulan-abaríl nian ba despeza administrativu nian de’it.

“Entaun, ida-ne’e ita bele iha balansu uitoan hodi redús despeza administrasaun públika nian durante vijénsia estadu emerjénsia,” nia dehan.

Notísia Relevante: MF Propoin Proposta Adisionál Millaun $100 Ba COVID-19

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here