Komandante Jerál PNTL, Komisáriu Faustino da Costa. Imajen Tatoli/ Egas Cristovão

DILI, 02 abríl 2020 (TATOLI)–Komandu Jerál Polísia Nasionál Timor-Leste (PNTL), liuhosi Komisáriu Faustino da Costa, husu komunidade ne’ebé hela iha área fronteira atu fó apoiu ba seguransa sira hodi kombate movimentu ilegál atubele prevene pandemia COVID-19. 

“Iha loron 01 abríl 2020, Indonézia taka ona fronteira maibé sidadaun sira sei apeoveita dalan ilegál ne’e. Tanba ne’e, ami atualiza ba Prezidente Repúblika katak koordensaun entre komandu PNTL ho F-FDTL no Xefe Estadu Maiór Jenerál F-FDTL, Majór Jenerál Lere Anan Timur rasik hasai ona orden atu membru sira apoia liután seguransa iha fronteira. Nune’e, autoridade lokál sira, komunidade tenke halo sensibilizasaun atu fó apoiu seguransa hodi kombate movimentu ilegál,” dehan Faustino da Costa hafoin hala’o enkontru semanál ho Prezidente Repúblika, Francisco Guterres ”Lú Olo”, iha Palásiu Prezidente Nicolau Lobato, Bairru Pité, Dili, kuarte ne’e.

Nia hatutan, bainhira komunidade iha fronteira tenta atu fasilita ka la intervein, ne’e risku boot liubá sira tanba ne’e komunidade iha fronteira tenke koopera ho autoridade seguransa sira no ho líder konunitáriu sira.

Faustino fó hanoin katak, antes ne’e seguransa sempre kaer hela de’it sidadaun sira ne’ebé tama mai Timor no sai ba Indonézia ilegalmente liuhusi fronteira terrestre.

Nia informa, bainhira iha períudu estadu emerjénsia maka komunidade iha fronteira apoia atu fasilita ema tama sai ilegál ninia risku kona-ba moras ne’e sei bele sai boot liután.

Notísia Relevante: Lere Husu Autoridade Lokál Sira Kontrola Povu Redús Movimentu

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here