Diretór Jerál Planu no Parseria, Ministériu Edukasaun Juventude no Desportu (MEJD), Antoninho Pires. Imajen/Tatoli

DILI, 02 abríl 2020 (TATOLI)–Ministériu Edukasaun Juventude no Desportu (MEJD) adia ona ezame trimestrál dahuluk ba estudante pre-eskolár to’o tékniku vokasionál.

Tuir kalendáriu nasionál ba tinan letivu 2020 katak ezame periódiku dahuluk sei realiza iha loron 13 fulan-abríl maibé tenke muda data seluk tanba Timor-Leste implementa hela estadu emerjénsia ne’ebé iha relasaun ho COVID-19.

Notísia Relevante :Abríl Realiza Ezame Trimestrál Dahuluk

Diretór Polítika Planeamentu no Parseria  Ministériu Edukasun, Juventude no Desportu, Antoninho Pires, hateten Governu sei determina loron ezame periódika dahuluk ne’e hafoin implementasaun estadu emerjénsia iha loron 26 fulan-abríl.

Estudante CSAO bainhira partisipa ezame nasionál. Imajen Jogerjo Guterres

“Ita hatene labarik sira sei la tuir ezame iha loron ne’ebé termina ona iha kalendáriu maibe sira sei tama iha 26 abríl mak governu sei haree filafali,” dehan nia ba TATOLI iha ninia servisu, Vila-Verde, kinta (02/04/2020).

Notísia Relevante :Estadu Emerjénsia, MEJD Fasilita Aprendizajen ba Estudante Liuhosi Mídia

Matéria ezame ba estudante pre-eskolár, ensinu báziku, sekundáriu no tékniku vokasionál iha ezame trimestrál dahuluk ne’e iha posibilidade MEJD sei foti hosi públikasaun matéria ne’ebé públika ona liuhosi programa eskola ba uma iha mídia online no RTTL,ep, TVE, rádiu komunidade no seluk tan durante loron feriadu.

“Maibé to’o loron temina iha 26 ne’e mak laiha posiblidade labarik sira atu filafali mai eskola, ministériu sei foti toleránsia seluk atubele ko’alia de’it tópiku balun husi matéria online ne’ebé estudante sira hetan ona,” nia adianta tan.

 Jornalista : Tomé Amado

Editór         : Agapito dos Santos

HAKEREK NO HATÁN

Please enter your comment!
Please enter your name here