DILI, 01 abríl 2020 (TATOLI)–Xefe Estadu, Francisco Guterres “Lú Olo” husu ba membru sira husi instituisaun Polísia Nasionál Timor Leste (PNTL) ho FALINTIL-Forsa Defeza Timor Leste (F-FDTL) atu labele viola no tenke halo atuasaun bazeia ba Dekretu Governu kona-ba Medida Estadu Emerjénsia.

Xefe Estadu Maior Jenerál F-FDTL Majór Jenerál Lere Anan Timur hato’o asuntu ne’e, hafoin hala’o enkontru semanál ho Prezidente Repúblika “Lú Olo” iha Palásiu Prezidensiál Bairru Pité, Dili, ohin.

Lere Anan Timur hateten, Prezidente Repúblika husu instituisaun seguransa no defeza kona-ba esesu balu iha terrenu la tuir Medida Estadu Emerjénsia ne’ebé aprova iha Konsellu Ministru iha 28 marsu 2020.

Xefe Estadu Maior Jenerál rekoñese katak instituisaun PNTL no F-FDTL ezajera uitoan iha ninia atuasaun tanba la tuir Medida Estadu Emerjénsia ninian maibé, komandu F-FDTL no PNTL sei tuur hamutuk atu haree atuasaun iha terrenu.

Entretantu, durante estadu emerjénsia, parte seguransa no defeza ezekuta ona Dekretu Governu ne’ebé Prezidente Repúblika dekreta ona ba Estadu Emerjénsia.

Jornalista : Cipriano Colo

Editór     : Cancio Ximenes

HAKEREK NO HATÁN

Please enter your comment!
Please enter your name here