Komandante Jerál PNTL, Komisáriu Faustino da Costa. Imajen/Egas Cristovão

DILI, 01 abríl 2020 (TATOLI) – Komandante Jerál Polísia Nasionál Timor-Leste (PNTL), Komisáriu Faustino da Costa, afirma, PNTL la tolera Timoroan ne’ebé tenta tama ilegál liuhosi liña fronteira terrestre entre Indonézia ho Timor-Leste.

Notísia Relevante : UPF Kaer Estudante Timoroan 54

Komisáriu Faustino hateten, atu prevene peste letál Coronavirus ka COVID-19 sidadaun hotu ne’ebé foin fila hosi nasaun afetadu tenke submete ba kuarentena ne’ebé governu prepara.

“Polísia fó zero toleránsia ba ema ne’ebé hakarak tama hosi fronteira terrestre ho dalan ilegál,” alerta Komisáriu Faustino da Costa,  ba Jornalista, ohin, iha Komandu Jerál PNTL, Caicoli, Dili.

Komandu PNTL orienta ona komandu Unidade Polísia Fronteira (UPF) atu halo kontrolu maka’as iha liña fronteira terrestre hodi evita sirkulasaun ilegál.

Komisáriu PNTL Faustino da Costa hateten, tuir informasaun nia-parte simu kada loron ema na’in 30 hanesan ne’e tama ilegál hosi area Oe-cusse, Sakato, Citrana ho Mota Ain Mota.

“Kuandu polísia kaer ema sira-ne’e automatikamente entrega ba parte saúde hodi submete ba kuarentena,” Komisáriu Faustino da Costa hateten.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here