Eis Primeiru Ministru (PM), Rui Maria de Araújo

DILI, 01 abríl 2020 (TATOLI)-Ministériu Saúde iha tempu badak sei halo tan teste laboratóriu ba pasiente pozitivu COVID-19 ne’ebé oras ne’e izola iha Sentru Saúde Vera Cruz Dili hodi konfirma loloos pasiente ne’e livre ona hosi surtu coronavirus ka seidauk.

Membru Jestaun Krize no mós Eis Primeiru-Ministru, Rui Maria de Araújo informa presiza halo tan teste raan iha laboratóriu nasionál pelumenus dala rua ba pasiente ne’e antes nia alta hosi fatin izolamentu hodi fila ba ninia uma.

Notísia Relevante :Timor-Leste Foin Deteta Kazu COVID-19 Ida

Tuir relatóriu hosi ekipa Médika sira katak, kondisaun saúde pasiente COVID-19 ne’e hahú di’ak no iha tempu badak bele rekupera ona.

“Ita deklara katak nia livre ona bainhira ita hahú halo fila-fali ezame laboratóriu minimu dala rua no diferensa liu loron ida bainhira rua ne’e negativu hotu entaun ita bele dehan nia livre husi virus nia bele sai,”dehan, Rui Maria de Araúju ba jornalista sira iha CCD, kuarta (01/04/2020).

Notísia Relevante :Pasiente COVID-19 Hahú Hatudu Progresu

Rezultadu hosi teste laboratóriu ikus ne’e maka sei justifika loloos pasiente ne’e di’ak no livre ona hosi pandemia globál Coronavirus ka presiza hetan tratamentu saúde kontinuasaun.

“Antes ha’u mai ko’alia ho jornalista ha’u ko’alia uluk ho médiku ne’ebé halo tratamentu ba nia katak sintoma laiha ona no ninia rezultadu normalmente di’ak,”esplika Eis Xefe Governu iha Governu Konstitusionál daneen.

Jornalista : Felicidade Ximenes

Editór           : Agapito dos Santos

HAKEREK NO HATÁN

Please enter your comment!
Please enter your name here