Ministra Finansa ein ezersísiu, Sara Lobo Brites. Imajen Tatoli/Egas Cristovão

DILI, 01 abríl 2020 (TATOLI)—Ideia Deputadu Bankada Demokrátiku (PD), Mariano Assanami ‘Sabino’ propoin atu ko’a saláriu membru deputadu no membru Governu sira 50% maibé Ministra Finansa Ein-Ezersísiu atuál Vise-Ministra Finansa, Sara Lobo Brites hateten, Governu presiza baze legál tanba laiha lei ida ko’alia kona-ba asuntu ne’e

Ministra Finansa Ein-ezersísiu atuál Vise-Ministra Finansa, Sara Lobo Brites hateten, atu ko’a saláriu membru deputadu no membru Governu ne’e tenke prevee iha lei ruma.

“Ohin hanoin balun dehan atu ko’a saláriu. Señor deputadu sira buat sira-ne’e tenke prevee iha lei ruma para ami bele implementa. Se lae, ami atu implementa oinsá,” dehan Ministra Finansa Ein-Ezersísiu atuál Vise-Ministra Finansa, Sara Lobo Brites, hodi fó resposta ba ideia Assanami nian, iha ámbitu debate jeneralidade pedidu levantamentu millaun $250, iha Plenária, Parlamentu Nasionál, kuarta ne’e.

Ministra Finansa Ein-Ezersísiu ne’e afirma, se lei ruma fó dalan, Governu liuhosi Ministériu Finansa prontu ezekuta.

Ministra Finansa Ein-Ezersísiu atuál Vise-Ministra Finansa, Sara Lobo Brites ne’e ko’alia asuntu ne’e hodi fó resposta ba Deputadu Partidu Demokrátiku (PD), Mariano Assanami “Sabino” nian.

Notísia Relevante: Assanami Propoin Ko’a Saláriu Deputadu no Membru Governu Responde Situasaun Atuál

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here