Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 1 abríl 2020 (TATOLI) – Governu liuhosi Ministériu Ensinu Superiór Siénsia no Kultura (MESSK) iha ona planu oferese liña internet gratuita ba estudante no dosente sira hodi fasilita prosesu aprendizajen durante Estadu emerjénsia.

Ministru Ensinu Superiór Siénsia no Kultura, Longuinhos dos Santos, halo ona sorumutu ho Ministru Koordenadór Asuntu Ekononia Interinu (MKAE) atuál Ministru Reforma Lejizlativa no Asuntu Parlamentár , Fidelis Manuel Leite Magalhães, hodi haree asuntu ne’e atu implementa.

“Horiseik (31/03/2020) ha’u aprezenta ona proposta ida ba MKAE interinu hodi husu liña internet gratuita ba estudante no dosenti sira hotu. Maibé ida ne’e sei iha faze diskusaun”, dehan nia jornalista sira iha Sentru Konvensaun Dili (CCD, sigla portugés), ohin.

Tuir Governante fornesementu liña internet gratuita ba estudante sira ne’e importante no konsidera urjente hodi fasilita prosesu aprendizajen entre dosente ho estudante sira.

Governu observa ensinu superiór sira implementa sistema aprendizajen rua, dahuluk uza sistema online no estudu autónomu, katak dosente sira fó servisu uma ba estudante sira atu aprende mesak iha internet.

”Agora sistema estudu online foin mak implementa iha Dili Institutu of Tecnology (DIT) instituisaun Ensinu Superiór sira seluk seidauk implementa”, tenik.

Jornalista : Tomé Amado

Editór       : Agapito dos Santos

5 KOMENTÁRIU

  1. W nundar estudante ensino superior Cristal w ms aceita tbs ba Ita nx Maun boot Longuinhos dos Santos nx planu Ida ne.
    Tamba ami estudante lorloron MK google hla dt osan Ami hetan iha nbe par hdi Sosa pakote internet
    Ikus my w la hlhan hto obrigda Wain.

  2. Diak
    Agradese Ba Governu nia isiativa neeb kapaas tebes Maibe problema mak agora docentes barak mak Seidauk hatene usa Media ka Tecnologia!.
    Obrigado

HAKEREK NO HATÁN

Please enter your comment!
Please enter your name here