Diretóra Jerál Prestasaun Saúde, Ministériu Saúde (MS), Odete Viegas da Silva. Imajen/Egas Cristovão

DILI, 01 abríl 2020 (TATOLI)-Diretóra Jerál Prestasaun Saúde, hosi Ministériu Saúde, Odete Viegas da Silva, informa ekipa médiku hamutuk ema na’in neen tenke izola iha Kuarentena durante loron 14 hafoin halo tratamentu saúde ba pasiente pozitivu COVID-19 iha Sentru Saúde Vera Cruz Dili.

Nia dehan médiku sira obrigatóriu izola hodi konfirma katak sira livre hosi sintoma Coronavirus antes fila bá hamutuk ho sira-nia família.

Dadaun ne’e, ekipa Medíku daruak nian maka troka ona servisu hodi kontinua fó tratamentu ba pasiente COVID-19 ho durasaun semana ida.

”No sira mós labele la’o ba sira-nia família bainhira izola loron 14 mak foin fila bá idak- idak nia uma,”informa, Odete Viegas da Silvva ba Jornalista sira iha CCD Dili, kuarta (01/04/2020).

Diretóra Jerál Prestasaun Saúde ne’e hatutan presiza halo rotasaun hodi troka ekipa médiku sira iha fatin izolamentu kada semana hafoin halo tratamentu ba pasiente pozitivu pandemia COVID-19.

“Ita rekruta ne’e ba médiku sira hamutuk 350 to’o mil tanba ita haree ba situasaun sira ne’e bainhira mak hotu tanba ne’e mak ita presiza rekruta hanesan ne’e,”realsa Odete.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here