KBRI Dili komemora Proklamasaun Indonézia ba dala-74, 17 agusto 2019. Imajen Tatoli/Dok

DILI, 31 marsu 2020 (TATOLI)-Estadu Repúblika Indonézia liuhosi sira-nia Embaixada iha Timor-Leste (KBRI-Kedutaan Besar Republik Indonesia) husu ba Autoridade Provínsia Nusa Tengara Timor (NTT) liuhosi Kabupaten (distritu) Atambua atu limita movimentu sidadaun Indonézia tama-mai Timor-Leste.

Notísia Relevante : Efeitu Hosi COVID-19, Traballadór Timoroan iha Reinu Unidu “Ameasadu” Lakon Serbisu

Komunikadu ne’ebé Ajénsia Tatoli asesu, ohin, ne’ebé KBRI-Dili lansa iha pájina Facebook ofisiál KBRI Dili, fó sai pontu importante neen hodi husu ba ba Indonéziu sira Timor-Leste nune’e mós iha Indonézia bele koopera.

Embaixada iha Dili espera autoridade provínsia NTT bele halo vijilánsia no kontrolu makaas movimentu abitante hosi Indonézia tama Timor-Leste no hosi Timor-Leste tama-ba Indonézia.

“Provavelmente, Governu Provínsia NTT ho autoridade distritu fronteira kontinua reforsa seguransa no halo sosializasaun liuhosi mídia no posivelmente adia viajen populasaun NTT nian mai Timor-Leste too pandemia COVID-19 ne’e la iha ona”, relata konteúdu komunikadu ne’e.

Embaixada mós preokupa movimentu tama-sai ilegál iha liña fronteira perigu no fó ameasa ba tebes nasaun rua hasoru dezafiu atu kontrola no prevene pandemia Coronavirus ka COVID-19.

Embaixada husu Autoridade Atambua kontinua sosializa informasaun kle’an ba povu-sira oinsá prevene-aan hosi ameasa COVID-19 hodi evita halo movimentu tama dalan ilegál.

Embaixada Indonézia iha Dili rasik simu ona informasaun hosi Governu Timor-Leste haktuir, hahú hosi loron 30 marsu 2020, Timoroan hamutuk ema na’in 815 maka hela provizóriu iha fatin kuarentena ne’ebé governu Timor-Leste estabelese iha Dili. Sidadaun-ne’e, balun halo viajen liu fronteira terrestre.

Indonézia Lockdown 

Ministra Negósiu Estranjeiru Indonézia, Retno Marsudi. Imajen/foti hosi Google

Hosi sorin seluk, Prezidente Repúblika Indonézia, Joko Widodo (Jokowi), ohin, iha Jakarta, deside ona taka provizoriamente atividade vizita no tránzitu (transit) hosi ema estranjeiru-sira iha territóriu Indonézia.

Desizaun ne’e, parte ida hosi rezultadu enkontru limitada (rapat terbatas) ho tópiku diskusaun ba atendimentu movimentu Indonéziu ho sidadaun estranjeiru sira-nian ne’ebé tama-sai Indonézia através postu integradu fronteira terrestre ho aeroportu.

“Iha ona desizaun katak atividade vizita no tránzitu hosi ema estranjeiru iha territóriu Indonézia taka provizoriamente”, informa Ministra Negósiu Estranjeiru Indonézia, Retno Marsudi, liuhosi konferénsia imprensa, ohin, ne’ebé sita hosi Mídia CNBC Indonézia.

Retno Marsudi esplika, proibisaun tama territóriu Indonézia ne’e fó esepsaun de’it ba ema estranjeiru hirak ne’ebé kaer kartaun kitas (estudante), kartaun kitap, ema estranjeiru ne’ebé iha lisensa domisíliu (diplomátiku) no hirak ne’ebé ofisial Estadu nian.

Retno lia tun-tan katak, desizaun ne’e válidu hahú ohin  to’o loron ne’ebé seidauk termina no sei kontempla iha regulamentu ministériu atu iha nia baze legál ne’ebé forte.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here