Ekipa Saúde halo teste ba estudante-sira ne'ebé tama mai Timor-Leste liuhosi Postu Integradu Batugade. Imajen/Eugénio Pereira

DILI, 31 marsu 2020 (TATOLI)–Governu liuhosi Ministériu Saúde tuir planu iha tempu badak sei halo teste masal ba abitante 600-resin ne’ebé daudaun ne’e hela iha kuarentena 17 iha Dili hodi prevene an hosi COVID-19.

Sidadaun sira-ne’e obrigatóriu hela iha kuarentena durante loron 14 bainhira fila hosi rai-li’úr  hodi prevene surtu COVID-19 atu labele da’et tan ba ema ema seluk.

Diretóra Jerál Prestasaun Saúde, Ministériu Saúde (MS), Odete Viegas da Silva. Imajen/Hortencio Sanches

Diretora Jerál Prestasaun Saúde-Ministériu Saúde,  Odete Viegas da Silva hateten teste masal ne’e importante atu prevene sidadaun sira hosi pandemia globál coronavirus.

“Tanba  ne’e mak agora daudaun Ministériu Saúde halo ona planu oinsá para ita tenke reforsa tan ekipamentu iha laboratóriu,” informa Diretora Jerál Prestasaun Saúde Odete Viegas da Silva ba jornalista sira iha Sentru Konvensaun Dili, (CCD-sigla Portugés), tersa (31/03/2020).

Planu ne’e sei iha prosesu diskusaun no komisaun interministeriál sei tau iha orsamentu hodi sosa tan ekipamentu hodi molok tama iha ninia implementasaun.

Jornalista : Felicidade Ximenes

Editór       : Agapito dos Santos

1 KOMENTÁRIU

  1. Tenki halo ona labele hein……sei-sei deit maka mai hosi liur tenki tuir teste ran..hodi prevene……FAVOR HALO ONA !!!

HAKEREK NO HATÁN

Please enter your comment!
Please enter your name here