Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen/Egas Cristovão

DILI, 31 marsu 2020 (TATOLI)-Servisu Autónomu Medikamentu no Ekipamentu Saúde (SAMES), dadaun  ne’e preokupa ho estoke ekipamentu ba prevensaun coronavirus ka COVID-19 tanba komesa menus ona iha armazén SAMES Kampung-Alor Dili.

Diretór Ezekutivu SAMES, Santana Martins, hateten ho limitasaun estoke ne’e difikulta SAMES atu distribui ba servisu saúde sira iha terrenu hodi fó atendementu ba komunidade.

Notísia Relevante :SAMES Asegura Hela Apoiu OMS

“Agora daun-daun estoke ba ekipamentu hodi prevene COVID-19 hanesan luvás, maskra, roupa, oklu, sapeo, botás no seluk tan agora ami iha limitasaun ona,” preokupa Diretór Ezekutivu SAMES, Santana Martins iha konferénsia imprensa, tersa (31/03/2020) iha kampung-Alor Dili.

Nia hateten Governu liuhosi Ministériu Saúde presiza atu responde problema ne’e urjente hodi fasilita pesoál saúde sira atu servisu iha terrenu. “Ami kontinua hein nafatin kompra ne’ebé mak governu halao hela prosesu,”tenik tan.

Notísia Relevante :Xina Entrega Ekipamentu Prevensaun Coronavirus ba TL

Ho problema limitasaun estoke ne’eb’e SAMES infrenta sei la responde pedidu hotu husi insttituisaun estadu sira maibé sei fó prioridade ba pedidu emerjénsia hosi Ospitál Nasionál Guidu Valadares (HNGV-sigla portugés), Ospital referál, Servisu Nasionál Saúde, Kuarentena no fatin izolamentu COVID-19.

Iha parte seluk, Santana Martins mós informa problema estoke ai-moruk iha armazén SAMES komesa menus tanba impaktu hosi utilizasaun orsamentu duodesimu.

Dadaun ne’e, SAMES iha item ai-moruk hamutuk 364 maibé falta de’it ona item 330.

Notísia Relevante :Orsamentu Duodésimu Ba SAMES Hamutuk $400.000

“Ba kategoria konsumu ninian ita iha 397 item mak rejista iha sistema eletróniku, hosi totál ne’e agora ita iha disponivel de’it item 272 item ou 69%, ba iha laboratóriu item hamutuk 478 mak rejista iha sistema no hosi total ne’e ita iha 286 item ka 60% no estoke hotu ona 40%,”

Nia promete Servisu aprovizionamentu SAMES nian sei  aselera prosesu sosa tan ai-moruk sira ne’e iha tempu badak.

Jornalista : Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here