Médiku Jerál, Teolentino Brites. Imajen Tatoli/Osória Marques.

DILI, 31 marsu 2020 (TATOLI)–Médiku Jerál, Teolentino Brites informa, entre sira na’in hira ne’e bé iha kuarentena Luz Clarita ida mak hetan sintoma Gastritis Aguda maibé rekopera ona hafoin konsumu aimoruk.

“Ha’u hakarak informa jerál katak sir-nain hira ne’ebé mak iha ne’e hotu-hotu di’ak. Maibé, iha ida mak hetan sintoma Gastritis Aguda. Iha momentu ne’e kedas ha’u observa nia no fó aimoruk ba nia no rekopera ona,” dehan Médico Jerál, Teolentino Brites, ba Ajénsia TATOLI iha Hotel Luz Clarita, Bairu dos Grilhos, Dili, ohin.

Nia hateten, sira ne’ebé mak toma konta iha kuarentena Luz Clarita ne’e só observa de’it ema hirak ne’e maibé bainhira halo teste purenkuantu iha ona sintomas Covid-19. Kuandu loron 14 hotu mak laiha sintomas ruma sira fila ba sira-nia uma.

Estudante sira, nia informa, hamutuk na’in 26 kompostu feto ida no mane 25, ohin mak kompleta loron rua no sira ne’e mai husi Indonezia, Bandung, Kediri, Bali, Malang no Jogjya ho kondisaun saudável.

“Ita-nia alin sira ne’e mesak estudante no sira mai husi Indonezia hanesan Bandung, Kediri, Bali, Malang no Jogjya ho kondisaun saudável to’o agora. Nune’e, ami iha ne’e sistema atendementu ba sira iha oras 24 nia laran,” nia dehan.

Aleinde ida nee, nia hateten, horisehik iha família balu lori aimoruk mai iha ne’e hodi fó ba nia oan sira maibé doutór no médiku sira prende tiha tanba bandu labele konsumu aimoruk arbiru banhira la hetan autorizasaun ruma husi pesoál saúde sira.

“Bainhira tama ona kuarentena, ami la autoriza ba família sira mak bele mai vizita sira iha ne’e, nein lori hahan ruma ka aimoruk ruma ba sira,” nia hatutan.

Notísia Relevante: Hotel Luz Clarita Nakfilak Sai Fatin Kuarentena

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here