PNTL Munisípiu Dili halo operasaun hodi asegura oden estadu emerjénsia. Imajen/Eugénio Pereira

DILI, 31 marsu 2020 (TATOLI)-Polísia Nasionál Timor-Leste (PNTL) Munisípiu Dili, segunda kalan (30/03/2020) to’o ohin dadeer, detein joven balun ne’ebé dezobediénsia ba regra estadu emerjénsia, tanba kontinua lori motór no karreta la’o livre iha kapitál Dili.

Notísia Relevante : Komandu PNTL Munisípiu Hotu Implementa Ona Orden Estadu Emerjénsia

Komandante PNTL Munisípiu Dili, Superintendente Xefe, Armando Monteiro. Imajen/Egas Cristóvão

Komandante Polísia Munisípiu Dili, Superintendente Xefe Armando Monteiro, informa, joven-sira ne’e PNTL detein hafoin parte PNTL halo seguransa hodi pasa revista (auto stop) iha estrada públiku área Colmera tuku 22:00 Otl, sira-uza karreta balun halai ho velosidade no la kumpre regra.

“Ohin, ita rejista kazu ida no hodi kalan mós iha kazu rua, agora iha prosesu investigasaun no detensaun iha sela Polísia Caicoli,” hateten Armando Monteiro, ohin, ba jornalista iha Timor Plaza, Dili.

PNTL mós rejista kazu ema na’ok sasán iha loja ida iha Manleuana nian agora mós investigasaun no horikalan prende mós karreta balun halai ho velosidade no suspeitu-sira konsumu alkóliku.

Komandante Armando hatutan, suspeitu na’in rua ne’ebé lori karreta halai ho velosidade nu’udar  sidadaun Xinés.

Iha parte seluk, PNTL mós kaer ona suspeitu na’in rua ne’ebé na’ok sasán iha loja ida iha área Maneluana nian.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here