Mediku sira rega hela aimoruk diinfektan ba Estudante sira husi jawa,Indonesia wainhira to iha aeroportu Nicolau Lobato ,Dili 29 Marsu 2020.Imajen/Antonio Goncalves

DILI, 30 marsu 2020 (TATOLI)–Timoroan feto ida ho inisiál J.A tinan 43, iha domingu (29/03/2020) obrigadu transfere hosi fatin kuarentena Otél Nicole Hudi-Laran bá Ospitál Nasionál Guido Valadares (HNGV-sigla portugés) tanba mosu sintoma hanesan COVID-19.

Sintoma coronavirus. Imajen:bncampinas.com

Infermeira destakadu iha Otél Nicole Hudi-Laran, Tomazia Maria Pinto informa, suspeita ne’e tenke muda urjente hodi halo tratamentu iha HNGV tanba sofre moras hanesan isin manas, me’ar, diareia no estómagu.

“Horisehik doutór sira transfere ona bá HNGV tanba  hetan sintoma  isin manas, me’ar diareia no estómagu entaun nia labele hela hamutuk ho abitante sira seluk iha otél ne’e,” informa nia ba TATOLI, iha Hudi-Laran, Dili, segunda (30/03/2020).

Iha parte seluk, Diretóra Nasionál Tratamentu Moras Ministériu Saúde, Josefina Clarinha João, rekoñese suspeita ne’e iha sintoma COVID-19 no daudaun ne’e  izola ona iha fatin izolamentu hodi halo teste raan hosi Laboratóriu Nasionál.

Nia hatutan hafoin teste raan, Ministériu Saúde sei kontinua manda rezultadu ne’e bá Ospitál Darwin, Austrália, hodi konfirma loloos ema ne’e kona Coronavirus ka lae.

Notísia Relevante: Suspeitu COVID-19 Sei Halo Teste Ran iha De’it HNGV

Jornalista : Tomé Amado

Editór        : Agapito dos Santos

8 KOMENTÁRIU

  1. Informasaun ne los k lae?
    Tmba imformasaun hanesan ne hlo komunidade sira la hakmatek.
    Ema ida kona ne husi nebe?
    Servisu iha nebe?
    Tmba se nia positivo duni ema nebe mak kontakta direita ho nia ne mos afeitado ona ba covid-19

  2. Kuandu iha duni sintomas ne’e!! Entaun husu ba kolega ne’e no sira seluk atu labele tauk no pániku.
    Importante mak hahu izola aan ona inklui ho kolega sira ne’ebé durante ne’e karik hamutuk iha karantina laran. Ida idak hahu halo SELF-ISOLATED ka izola aan atu labele daet ba sira seluk. No liu-liu mak LABELE TAUK NO PÁNIKU. Kuandu ita sente tauk no pániku demais mak ita nia sistema imunidade ne’e sei fraku, nune’e fasil tebes ba virus 🦠 ne’e atu domina ita. Nafatin mantein kalma no hakmatek, hodi deskansa, hemu bee manas barak, halo ezersisiu no wainhira loron ne’e habai aan, fase-liman nafatin ho sabaun sira para hamate virus ne’e. No karik ita obedese ba buat hirak temi ne’e, fiar durante loron 14 nia laran ita bele rekopera fila fali hosi moras ne’e. #GodBless #StaySafe #StayHealthy #StayAtHome

  3. Husu ba jornalista sira keta fo info arbiru, wainhira seidauk iha resultado husi teste laboratorium nasional, hnsn iha indonesia ne krk PDP ( Pasien Dalam Pengawasan ) wainhira nia resulta sai ona dehan ema positivu mk bele foin dehan ema positivu Covid-19…foin mk sintomas dt fo sai dehan ema positivu ona, ne hnsn halo trauma ita nia povu iha timor laran tomak….nebe favor hakerek titulo ga fo imformasaun nebe lolos labele naran fo info hodi hatauk ema….abracos

  4. Tuir Hau Nia komprendesaun katak iha diskonfia dt ba suspeito CORVID 19, hodi Hein rejultadu teste medico..positivo ku negativo…

  5. Oinsa ho sira seluk nebe hela hamutuk susleita ne desde tama karantina; MS tenki seriu iha tratamentu ba kliente sira nb mk tama karantina; Labele halo ema tama karantina sai fali fatin atu daet malu VICOD19.

  6. Maluk sira Ita agradese ba ekipa nb bl detekta ona pasiente nb tama mai hanesan sespeitu.d8, krk haruka ba Darwin positivo mk sei halo tratamento insentivo atu kura moras refere too hetan diak fali, parabens no bom trabalho com susesu, abs

  7. Se hanesan ne husu ba parte saude atu halo mos teste ba sira nebe mai hamutuk ho liu liu nia kolega nebe besik liu ho nia.
    Ikus liu parabens ba equipa nebe servicu iha area karintina ninian.

HAKEREK NO HATÁN

Please enter your comment!
Please enter your name here