Otél Villa-Verde Dili.Imajen/Egas Cristovão

DILI, 29 marsu 2020 (TATOLI)-Estudante Timoroan ho sidadaun bain-bain hamutuk ema na’in 151, iha domingo (29/03/2020), tenke bá hela iha Otél Vila-Verde, Otél Viana, Lux Clarita, Otél Fortuna no Konventu Madre São João Paulo II, Comoro Dili hafoin fila hosi Indonézia ho Aviaun Sriwijaya, Citilink no Fronteira Terrestre.

Abintante hirak ne’e tenke hela iha fatin kuarentena lima ne’e durante loron 14 hodi observa sira-nia kondisaun saúde ba prevene coronavirus ka COVID-19 atu labele da’et iha Timor-Leste.

Diretóra Nasionál Tratamentu Moras, Ministériu Saúde (DNTM-MS), Josefina Clarinha João, relata ema na’in 23 koloka bá Otél Vila-Verde, Na’in 30 bá Lux Clarita, 34 bá Otél Viana, ema na’in 50 koloka ba Otél Fortuna no feto 14 bá Konventu Madre São João Paulo II Comoro Dili.

Iha posibilidade iha segunda (30/03/2020) sei muda sai okupantes balun iha Otél Fortuna Dili ba fatin seluk tanba laiha espasu atu akumula ema barak.

“Ha’u seidauk identifika kuartu ida ema na’in hirak maibé bele dehan númeru boot iha otél fortuna, tanba ne’e sei muda sai balun bá otél seluk,”dehan,Josefina Clarinha João, ba TATOLI via telefone, domingo (29/03/2020).

Hosi Abitante Timoroan 151, tama liuhosi Aeroportu Internasionál Nicolau Lobato Comoro ema na’in 89 no ema Na’in 62 tama hosi Fronteira Terrestre Motain, Munisípiu Bobonaro.

Jornalista : Tomé Amado

Editór     : Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here