Diretóra Jerál Prestasaun Saúde, Ministériu Saúde (MS), Odete Viegas da Silva. Imajen/Egas Cristovão

DILI, 29 marsu 2020 (TATOLI)-Iha fulan balun liu-ba, suspeitu-sira ne’ebé iha sintoma Coronavirus ka COVID-19 nia amostra raan ba halo teste iha laboratóriu Australia. Maibé, hosi ohin ba oin, suspeitu sira-nia raan sei halo teste de’it iha Ospitál Nasional Guido Valadares (HNGV).

Notísia Relevante : Sinál iha Manu-Aten Hatudu, COVID-19 La Atake Timor-Leste

Diretora Jerál Prestasaun Saúde, Odete Viegas da Silva, konfirma katak, ba-oin, ema ne’ebé iha sintoma COVID-19 sei hala’o teste ran iha de’it Laboratóriu Nasionál iha HNGV.

Nia hateten, razaun  uluk, haruka amostra raan ba Australia atu halo konfirmasaun teste. Katak, rezultadu teste ne’e sai hanesan ka la’e ho  teste laboratóriu nasionál iha HNGV. Maibé, rezultadu hatudu ho amostra-sira ne’ebé foin lalais halo teste hanesan de’it.

“Ba oin iha suspeitu balun ho sintoma COVID-19, ita bele hala’o teste iha rai laran de’it ona,” hateten Diretora Jerál Prestasaun Saúde Odete Viegas da Silva, hodi responde Ajénsia Tatoli, ohin,  iha Sentru Konvensaun Dili (CCD).

Nia dehan tan, espesialista mikrobiolojia hosi Australia sei apoiu tékniku laboratóriu Timoroan hodi halo teste iha HNVG.

Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here