Otél Villa-Verde Dili. Imajen/TATOLI.

DILI, 28 marsu 2020 (TATOLI)-Ministériu Saúde halo ona kontratu ho Otél Villa-Verde Dili, hodi sai fatin kuarentena ba Timoroan no estanjeiru durante loron 14 hodi prevene COVID-19, ho presu kada kuartu ba kalan ida $ 50.00.

Koordenadora Otél Villa-Verde Dili, Joana Guterres informa MS kontratu ona kuartu otél nian hamutuk 10, kuartu ualu oferese ba okupante kuarentena no kuartu rua ba ekipa médiku ho Polisia Nasionál Timor-Leste (PNTL) ne’ebé destaka iha fatin ne’ebá.

Notísia Relevante :D’City Hotel Fó Diskontu Ba Governu

Iha domingo (29/03/2020), pasajeiru Timoroan hamutuk na’in 13 ne’ebé fila hosi Indonézia ho Aviaun Citilink maka oras ne’e okupa ona kuartu hitu.

Notísia Relevante :Governu Finansia Ótel Ne’ebé Utiliza Sai Fatin Kuarentena

“Ita oferese ona kuartu hitu ba sira hamutuk na’in 13, kuartu neen maka ema na’in rua-rua no kuartu ida ema ida de’it. Ne’ebé ita sei iha kuartu 10 mak sei mamuk bele uza ba ema na’in rua-rua,”dehan, Joana Guterres, ba TATOLI, iha Villa-Verde, domingo (29/03/2020).

Notísia Relevante :Abitante 59 Koloka ba Otél Rua

Kona-ba alimentasaun ba ema na’in 13 ne’e, nia esplika Ministériu Saúde maka kontratu kompaña seluk hodi forñese ba sira, la’ós Otél Villa-Verde.

Notísia Relevante :Governu Garante Otél Iha Dili Bele Akumula Okupante Barak

“Ami bele atende de’it mak nesedade báziku sira hanesan fasilidade iha ótel nian, maibé kona-ba hahán Ministériu Saúde mak hatene tanba ami laiha ema atu prepara hahán,”nia esplika.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here