Pasajeiru Aviaun Citilink bainhira to’o iha Aeroportu Prezidente Nicolau Lobato, Comoro, Dili. Imajen Tatoli/António Gonçalves

DILI, 29 marsu 2020 (TATOLI)–Diretora Nasionál Tratamentu Moras-Ministériu Saúde (DNTM-MS), Josefina Clarinha João hateten, ninia parte husu ona ba autoridade aeroportu nafatin akompaña pasajeiru timoroan ida foin tun husi aviaun Royal Bhutan Airlines Singapura ho naran Dulk Air KB 900 hodi hein pasajeiru sira seluk hosi Aviaun Citilink tun hotu mak transporta dala ida ba fatin kuarentena.

“Ita haree ba númeru pasajeiru Royal Bhutan Airlines husi Singapura ne’e lori pasajeiru timoroan ida de’it. Ne’e duni, ita husu ajuda ba autoridade iha aeroportu atu akompaña hela nia hodi hein pasajeiru hosi Citilink tun mak tula dala ida ba fatin kuarentena,” dehan Josefina Clarinha ba Agência Tatoli via telefone, domingu ne’e.

Razaun, nia dehan, tanba aviaun Royal Bhutan Airlines lori de’it pasajeiru ida entaun MS hanoin katak pasajeiru ida de’it tenke organiza ninia transportasaun akompaña ho seguransa ba otél hodi hatuun ema ida de’it, di’akliu hein pasajeiru Citilink tun hotu mak transporta sira dala ida.

“Maibe, ita la husik nia mesak/pesoál saúde iha aeroportu nafatin akompaña nia liuliu apoiu mós hahán ruma hanesan dosi no bee hemu atu nia bele auguenta hodi hein,” nia dehan.

Notisia Relevante: Ohin, Aviaun Dulk Air KB 900 Hosi Singapura Tula De’it Timoroan Ida Mai TL

Jornalista : Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here