Médiku-sira halo hela teste ba timoroan-sira husi estranjeiru bainhira to'o iha Aeroportu Internasionál Prezidente Nicolau Lobato, Dili. Imajen Tatoli/ Hortencio Sanches

DILI, 28 marsu 2020 (TATOLI) – Traballadór timoroan na’in 30, ohin, fila mai sira-nian knua hosi Austrália ho aviaun Air North, tenke submete ba kuarentena durante loron 14 atu bele fasilita ekipa médiku sira prevene pandemia Coronavirus ka Covid-19, molok ida-idak fila ba sira-nian uma.

Notísia Relevante : Tauk Risku COVID-19, Traballadór Timoroan iha Austrália Deside Fila

Hosi traballadór na’in 30 ne’e, na’in 27 lori ba kuarentena iha Otél Novo Horizonte, Metiaut, Dili, hodi okupa kuartu 15 ne’ebé kompleta ho AC, fatin toba, bee-moos no han-hemu. Kada kuarta, ekipa médiku prevensaun COVID-19 tau ema na’in rua.

Koordenadora destakadu hosi Ministériu Saúde iha kuarentena Otél Novo Horizonte, Cesaltina Pinto, hateten daudaun ne’e iha fatin kuarentena refere iha espasu natoon hodi akumula-tan timoroan na’in hirak ne’ebé foin fila hosi Austrália.

MS mós estabelese ona postu saúde hodi koloka médiku no enfermeiru hodi halo vijilánsia no akompaña sira iha oras 24 nia-laran to’o sira kumpre ka kompleta loron kuarentena nian (loron 14 nia-laran) tuir rekomendasaun Organizasaun Mundiál Saúde (OMS) ho Ministériu Saúde (MS).

Antes ne’e, kuarentena Otél Novo Horizonte akomula ona sira ne’ebé foin fila hosu nasaun-sira afetadu pandemia COVID-19 hamutuk na’in 102. Nune’e, ohin, aumenta-tan ho sira-na’in 27 maka totál abitante ne’ebé submeta ba kuarentena iha Novo Horizonte na’in 129 ona.

Notísia Relevante : Ema Na’in 102 Kuarentena Iha Novo Horizonte

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here