Fromatura PNTL iha aniversariu PNTL ba da-XX, 27 marsu 2020. Imajen/Eugénio Pereira

DILI, 28 marsu 2020 (TATOLI)-Komandante Polisia Munisípiu Dili, Superintendente Xefe Polisia Armando Monteiro, hateten nia parte sei koloka tan membru polisia ba fatin kuarentena foun bainhira Ministériu Saúde hato’o pedidu ba sira atu responde.

Armando Monteiro hato’o asuntu ne’e tanba tuir planu iha domingo (29/03/2020) aban, Aviaun tolu sei halo ninia voo mai Timor-Leste, hanesan Citilink, Sriwijaya no Bhutan Airlines ho númeru pasajeiru boot.

Ita sei hein informasun husi ekipa Liña Ministeriál atu informa kona ba fatin Kuarentena ne’ebé prepara ona hodi nune’e Komando PNTL bele koloka ninia membru sira hodi fó seguransa iha ne’ebá,”informa Superin,tendente Xefe Polisia Armando Monteiro, sabadu (28/03/2020) iha Aeroportu Comoro, Dili.

Ho númeru pasajeiru ne’ebé boot, nia dehan persiza espasu naton atu koloka sidadaun hirak ne’e bá fatin kuarentena durante loron 14.

PNTL sei esforsu atu rezolve transporte hodi tula abitante sira ne’e bainhira to’o iha Timor-Leste.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here