Vise-Prezidente Parlamentu Nasionál, Maria Angelina Lopes Sarmento. Imajen Tatoli/Egas Cristóvão

DILI, 27 marsu 2020 (TATOLI)—Parlamentu Nasionál (PN), sei kontinua debate no aprovasaun ba pedidu levantamentu iha faze jeneralidade no posibilidade tama kedas espesialidade iha segunda-feira hafoin tama ba finál globál.

Membru Komisaun C (Finansas Públika) no Vise-Prezidente Parlamentu Nasionál, Maria Angelina Sarmento Lopez, hateten Komisaun C halo ona audiénsia ho Ministériu Finansas no rona mós opiniaun hosi Banku Sentrál Timor-Leste (BCTL-sigla portugés)  maibé Komisaun C sei elabora rezultadu audiénsia ne’e.

“Iha Segunda Komisaun C sei halo aprovasaun ba relatóriu no pareser, segunda lokraik sei iha plenária, deputadu sira sei aprova pedidu levantamentu hosi fundu petrolíferu iha jeneralidade no espesialidade,” dehan nia ba jornalista sira, sesta ne’e.

Parlamentu Nasionál (PN) aprova pedidu ho karáter urjénsia ne’e iha loron 25 marsu 2020  ba proposta levantamentu hodi fó autorizasaun Governu foti millaun $250 hosi fundu petrolíferu.  Pedidu ho karáter urjénsia ne’e pasa ho votu a-favór 64, la iha kontra no abstensaun.

Notísia Relevante: BCTL Propoin PN Foti Desizaun ‘Inkestionável’ Atua COVID-19

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here