Ministru Obra Públika, Salvador Eugênio Soares dos Reis Pires. Imajen Tatoli/Egas Cristovão

DILI, 28 marsu 2020 (TATOLI) – Iha reuniaun Konsellu Ministru estraordinária sábadu ne’e, Ministériu Obra Públiku (MOP) propoin iha períodu Estadu Emerjénsia, atu fó asesu gratuita ba populasaun iha territóriu tomak atu asesu liña eletrisidade no ba abitante kapitál asesu gratuita ba bee-moos.

Ministru Obra Públika, Salvadór Eugênio Soares dos Reis Pires, hateten iha lala’ok no prátika Estadu Emerjénsia, KM aprova ona iha parte bee no saneamentu, inklui eletrisidade sei fó subsídiu gratuita.

“Ami propoin atu fó subsídiu gratuita ba populasaun sira, maibé dadaun ne’e sei haree hela mekanizmu tomak, ne’ebé ami sei kontinua servisu hodi diskute  oinsá atu implementa subsídiu ne’e”, tenik Ministru Salvadór hafoin reuniaun ezekutivu iha Sentru Konvesaun Dili (CCD, sigla portugés), sábadu ne’e.

Iha parte seluk, Governante ne’e konsidera meiu ida atu kombate COVID-19 mak aplika distánsia sosiál no limita movimentu inklui halibur malu, tanba ne’e ministériu propoin atu evita populasaun halo movimentasaun.

“Ema kontinua hola pulsa eletrisidade no ba forma nafatin ne’e, orsida kontaminasaun Coronavírus no ita sei la prevene”, nia akresenta.

Kona-ba mekanizmu pulsa gratuita, nia adianta,  eletrisidade iha tasa fiksa ida feed reader, ne’ebé sei otomatikamente transfere ba kada kliente.

“Ita bele dehan kada uma-kain $10 ne’e foin diskusaun, maibé seidauk determina montante tanba sei deside hamutuk ho ninia implementasaun atu fó subsídiu gratutita iha territóriu tomak iha períodu emerjénsia”, Ministru ne’e reforsa.

Jornalista: Florencio Miranda Ximenes

Editora: Julia Chatarina

3 KOMENTÁRIU

    • Lolos ne fo subsidiu liuhosi sistema online ba kada uma kain
      Atu nune sira nia ahi labele mate wainhira sira nia pulsa nebe durante n iha kuandu hotu.
      Kuandu fo gratuita durante periodo EE, diak liu hamate sistema pulsa labele lao atu nune komsumidores sira nia ami n labele mate durante periodo nebe Governo fosai

HAKEREK NO HATÁN

Please enter your comment!
Please enter your name here